Belgili ánshi Saiat Medeýov Facebook-paraqshasynda áriptesterin synap jazba jariialady, - dep habarlaidy Tengrinews.kz tilshisi.
Óner iesi keibir áriptesteriniń áleýmettik jelide jariialaǵan jazbalaryna kóńili tolmaitynyn aitty.
"Bir kezderi shegirtke dep kemsitkende, óre túregelip aiǵai saldyq. Al, meniń ónerdegi keibir áriptessymaqtarymnyń istep júrgenine qarasam, endi shegirtke bolmaǵanda ne boldyq degen oi keledi. Qatarymdaǵy jasy elýge taiap qalǵan keibir baýyrlarymnyń qylyǵy qaryndy ashtyrady. Yrbyń-jyrbyń, túkke turǵysyz áńgime, aýzynan aq it kirip, kók it shyqqan bylapyt sóz. Elýde el aǵasy bolyp bata beretin jasqa keldińder ǵoi. Búgingi qulqynnyń quly úshin saiqymazaq bolyp júrgenderińdi erteń qartaiǵanda nemere-shóbereńe qalai túsindiresiń? Qai betińmen olarǵa aqyl aitasyń? Olar saiqyzmazaq, aýzynyń dýasy joq shaldy tyńdai ma? "Atan túie qutyrsa jut bolady"- deidi ánshi.
