Foto: QR TSM
Italiiada ótip jatqan XXV qysqy Olimpiada oiyndarynda mánerlep syrǵanaýdan erler arasyndaǵy jarystyń qysqa baǵdarlamasy aiaqtalyp, finalǵa joldama alǵan 24 sportshynyń esimi anyqtaldy. Álem chempionatynyń kúmis júldegeri Mihail Shaidorov 92.94 upai jinap, aralyq esepte 5-orynǵa jaiǵasty, dep habarlaidy Ult.kz.
Qysqa baǵdarlama qorytyndysy boiynsha kósh basynda amerikalyq Ilia Malinin – 108.16 upai. Ekinshi orynda japoniialyq Iýma Kagiiama (103.07), úshinshi satyda frantsiialyq Adam Siao Him Fa (102.55) tur. Ol bul kórsetkishpen mansabyndaǵy jeke rekordyn jańartty. Tórtinshi nátije italiialyq Daniel Grasslge tiesili – 93.46 upai.
Júldeler taǵdyry sheshiletin erkin baǵdarlama 13 aqpan kúni Astana ýaqytymen saǵat 21:00-de ótedi.
Aita keteiik, Qazaqstan tarihynda mánerlep syrǵanaýdan Olimpiada júldesin alǵan jalǵyz sportshy – Denis Ten. Ol 2014 jyly Sochi Olimpiadasynda qola medal ielengen edi.
