فوتو: قر تسم
يتالييادا ٶتٸپ جاتقان XXV قىسقى وليمپيادا ويىندارىندا مەنەرلەپ سىرعاناۋدان ەرلەر اراسىنداعى جارىستىڭ قىسقا باعدارلاماسى اياقتالىپ, فينالعا جولداما العان 24 سپورتشىنىڭ ەسٸمٸ انىقتالدى. ەلەم چەمپيوناتىنىڭ كٷمٸس جٷلدەگەرٸ ميحايل شايدوروۆ 92.94 ۇپاي جيناپ, ارالىق ەسەپتە 5-ورىنعا جايعاستى, دەپ حابارلايدى Ult.kz.
قىسقا باعدارلاما قورىتىندىسى بويىنشا كٶش باسىندا امەريكالىق يليا مالينين – 108.16 ۇپاي. ەكٸنشٸ ورىندا جاپونييالىق يۋما كاگيياما (103.07), ٷشٸنشٸ ساتىدا فرانتسييالىق ادام سياو حيم فا (102.55) تۇر. ول بۇل كٶرسەتكٸشپەن مانسابىنداعى جەكە رەكوردىن جاڭارتتى. تٶرتٸنشٸ نەتيجە يتالييالىق دانيەل گراسسلگە تيەسٸلٸ – 93.46 ۇپاي.
جٷلدەلەر تاعدىرى شەشٸلەتٸن ەركٸن باعدارلاما 13 اقپان كٷنٸ استانا ۋاقىتىمەن ساعات 21:00-دە ٶتەدٸ.
ايتا كەتەيٸك, قازاقستان تاريحىندا مەنەرلەپ سىرعاناۋدان وليمپيادا جٷلدەسٸن العان جالعىز سپورتشى – دەنيس تەن. ول 2014 جىلى سوچي وليمپياداسىندا قولا مەدال يەلەنگەن ەدٸ.
