قازاقستاندىق پاۋەرليفتينگ شەبەرٸ داۆيد دەگتيارەۆ V ازييا پارا ويىندارىندا توپ جارىپ, قۇرلىقتىق جارىستىڭ ەكٸ دٷركٸن چەمپيونى اتاندى. ول 192 كەلٸ سالماقتى كٶتەرٸپ, ويىنداردىڭ جاڭا رەكوردىن ورناتتى, دەپ حابارلايدى ult.kz.
تٶرت جىل بۇرىن ٶتكەن جارىستا 186 كەلٸنٸ باعىندىرىپ, التىن مەدال يەلەنگەن سپورتشى بۇل جولى ٶز نەتيجەسٸن تاعى 6 كەلٸگە جاقسارتتى. وسىلايشا, دەگتيارەۆ ازييا پارا ويىندارىنداعى چەمپيوندىق اتاعىن قايتا دەلەلدەدٸ.
54 كەلٸگە دەيٸنگٸ سالماق دەرەجەسٸندە ٶنەر كٶرسەتەتٸن داۆيد دەگتيارەۆ بۇعان دەيٸن ٷش دٷركٸن ەلەم چەمپيونى جەنە ەكٸ دٷركٸن پاراليمپيادا چەمپيونى اتانعان. سونداي-اق 2022 جىلى قىتايدىڭ حانچجوۋ قالاسىندا ٶتكەن ازييا پارا ويىندارىندا التىن مەدال جەڭٸپ العان.
بيىلعى ازييا پارا ويىندارى جاپونييانىڭ ناگويا قالاسىندا ٶتٸپ جاتىر. قازاقستاندىق سپورتشىنىڭ جاڭا رەكوردى ەل قورجىنىنا تاعى بٸر جارقىن جەڭٸس قوستى.
