"Bir paradoks dúnie bar. Biz kúndelikti otandyq sportqa bólinetin milliardtaǵan qaryjyny aitamyz. Odan esh nátije shyqpaǵanyn, iaǵni, qaitarymy bolmaǵanyn synap jatamyz. Al, Shavhat siiaqty jigitter, kerisinshe, biýdjetten bir teńge de almaidy. Biraq, elimizdiń abyroiyn asqaqtatýǵa jáne imidj qalyptastyrýǵa masqara úles qosady. Sonyń aiǵaǵy – myna basyna kiip otyrǵan tymaǵy".
Jýrnalist Aslan Kajenov Shavkat Rahmonov jekpe-jekterge kiip shyǵyp júretin tymaǵyn endi resmi satýǵa kóshkenin jazǵan, ári bul Qazaqstan imidji úshin tamasha múmkindik ekenin aitady.
"Bárimizge belgili, ol ár jekpe-jegine osy tymaqty kiip shyǵady. Sáikesinshe, muhittyń arǵy jaǵynda oǵan degen qyzyǵýshylyq artty. Bastapqyda birnesheýin arnaiy aparyp, tegin taratyp júrdi. Odan keiin júz danasyn daiyndap jatyrmyz degenin de estigem. Qansha aparsań da, «ystyq pirojki» siiaqty joq bolyp ketedi. Endi osy protsesti zaman talabyna sai bir jolǵa qoiǵan eken. Budan bylai elimizdiń jáne álemniń túkpir-túkpirindegi jankúierleri Shavhattyń qoltańbasy bar tymaqty tymaq.kz saitynan onlain tapsyryspen ala alady. Keremet bastama", - dep jazdy Aslan Kajenov.
Jýrnalist "50 tsenttiń kepkasy", "Akon-ǵa laqtyrǵan ishkiim" degen siiaqty taqyryptar nege kóptep talqylanady da, ulttyq qundylyǵymyzdy túgendeýge kelgende, otandyq sportshylar men otandyq óndirýshilerdi qoldaýǵa kelgende, nege aýzymyzǵa qum quiylady dep qynjylady.
Jai bir-birimizge aitsaq, bir-birimizge bólissek, sonyń ózi úlken kómek emes pe? Solai ǵana elimizge degen, ultymyzǵa degen súiispenshilikti jáne aýyzbirshilikti kórsete alamyz. Qysqasy, óndiristiń basy-qasynda júrgen qyz-jigitterge úlken respekt! Al, Shavhattyń ózine tek qana sáttilik tileimin! - dep jazdy ol.
