Foto. Fight.ru
Aralas jekpe-jek sportshysy Shavkat Rahmonovtyń jubaiy men uly jol apatyna ushyrady, nátijesinde kóliktegi eki jolaýshy qaitys boldy, dep habarlaidy Ult.kz.
Jol-kólik oqiǵasy Jambyl oblysynyń Moiynqum aýdanyna jaqyn jerde bolǵan.
HALYQSTAN Telegram-arnasynyń málimetinshe, avtokólikti Gúlaiym Rahmonova júrgizgen. Onyń qasynda uly jáne eki qurbylary bolǵan. Olar Qaraǵandydan Almaty baǵytyna bet alǵan.
Toyota Land Cruiser markaly kólik Almaty–Ekaterinbýrg avtojolynyń 296-shaqyrymynda, Aqsúiek aýylynyń mańynda apatqa ushyraǵan. Aldyn ala derekterge sáikes, júrgizýshi rólge ie bola almai qalǵan. Saldarynan 39 jáne 35 jastaǵy eki jolaýshy oqiǵa ornynda kóz jumdy.
Gúlaiym Rahmonova men úsh jastaǵy uly Shý qalalyq aýrýhanasyna jetkizildi. Dárigerler olardyń jaǵdaiyn «ortasha aýyr» dep baǵalap otyr.
Politsiia bul oqiǵa boiynsha QR QK 345-babynyń 4-bóligine sáikes (jol erejesin buzý saldarynan eki nemese odan da kóp adamnyń qaza tabýy) sotqa deiingi tergeý bastalǵanyn habarlady.
