Foto: instagram.com/shavkatrakhmonov94
Qazaqstandyq Shavkat Rahmonov (18-0) Las-Vegasta (AQSh, Nevada shtaty) UFC 310 týrnirinde irlandiialyq faiter Ien Gerrimen jekpe-jekke shyǵyp, tóreshilerdiń biraýyzdan sheshimimen qarsylasynan basym tústi, dep habarlaidy Ult.kz Kazinform-ǵa silteme jasap.
Irlandiialyq faiter de buǵan deiin eshqashan jeńilip kórgen joq edi. Qazirge deiin 15 jekpe-jeginiń barlyǵynda qarsylastaryn qapy qaldyryp ketti.
Búgingi jekpe-jek bes raýndqa josparlanǵan bolatyn. Nátijesinde tóreshilerdiń biraýyzdan sheshimimen jeńis Shavkatqa berildi.
Osylaisha qazaqstandyq sportshy kásibi mansabynda on toǵyzynshy márte jeńiske jetip otyr. Al Ien Gerri alǵash ret jeńilistiń ashy dámin tatty.
Aita ketsek, bul Shavkattyń tóreshiler sheshimimen jeńiske jetken alǵashqy jekpe-jegi. Buǵan deiingi saiystarda ol jekpe-jekti merziminen buryn aiaqtady.
Endigi kezekte Shavkattyń orta salmaqtaǵy UFC chempiony Belal Mýhammadpen (24-3) jekpe-jegi ótýi múmkin. Alǵashqy olardyń jekpe-jegi búgingi týrnirge josparlanǵan edi. Degenmen amerikalyqtyń densaýlyǵyna bailanysty ol ótpei qaldy.
Eske salsaq, budan buryn UFC-diń YouTube arnasynda qazaqstandyq Shavkat Rahmonov (18-0) pen irlandiialyq Ien Gerri (15-0) arasynda ótetin jekpe-jekke arnalǵan film jaryq kórdi.
