فوتو: instagram.com/shavkatrakhmonov94
قازاقستاندىق شاۆكات راحمونوۆ (18-0) لاس-ۆەگاستا (اقش, نەۆادا شتاتى) UFC 310 تۋرنيرٸندە يرلاندييالىق فايتەر يەن گەرريمەن جەكپە-جەككە شىعىپ, تٶرەشٸلەردٸڭ بٸراۋىزدان شەشٸمٸمەن قارسىلاسىنان باسىم تٷستٸ, دەپ حابارلايدى Ult.kz Kazinform-عا سٸلتەمە جاساپ.
يرلاندييالىق فايتەر دە بۇعان دەيٸن ەشقاشان جەڭٸلٸپ كٶرگەن جوق ەدٸ. قازٸرگە دەيٸن 15 جەكپە-جەگٸنٸڭ بارلىعىندا قارسىلاستارىن قاپى قالدىرىپ كەتتٸ.
بٷگٸنگٸ جەكپە-جەك بەس راۋندقا جوسپارلانعان بولاتىن. نەتيجەسٸندە تٶرەشٸلەردٸڭ بٸراۋىزدان شەشٸمٸمەن جەڭٸس شاۆكاتقا بەرٸلدٸ.
وسىلايشا قازاقستاندىق سپورتشى كەسٸبي مانسابىندا ون توعىزىنشى مەرتە جەڭٸسكە جەتٸپ وتىر. ال يەن گەرري العاش رەت جەڭٸلٸستٸڭ اششى دەمٸن تاتتى.
ايتا كەتسەك, بۇل شاۆكاتتىڭ تٶرەشٸلەر شەشٸمٸمەن جەڭٸسكە جەتكەن العاشقى جەكپە-جەگٸ. بۇعان دەيٸنگٸ سايىستاردا ول جەكپە-جەكتٸ مەرزٸمٸنەن بۇرىن اياقتادى.
ەندٸگٸ كەزەكتە شاۆكاتتىڭ ورتا سالماقتاعى UFC چەمپيونى بەلال مۋحاممادپەن (24-3) جەكپە-جەگٸ ٶتۋٸ مٷمكٸن. العاشقى ولاردىڭ جەكپە-جەگٸ بٷگٸنگٸ تۋرنيرگە جوسپارلانعان ەدٸ. دەگەنمەن امەريكالىقتىڭ دەنساۋلىعىنا بايلانىستى ول ٶتپەي قالدى.
ەسكە سالساق, بۇدان بۇرىن UFC-دٸڭ YouTube ارناسىندا قازاقستاندىق شاۆكات راحمونوۆ (18-0) پەن يرلاندييالىق يەن گەرري (15-0) اراسىندا ٶتەتٸن جەكپە-جەككە ارنالعان فيلم جارىق كٶردٸ.
