Aralas jekpe-jekte óner kórsetetin qazaqstandyq sportshy Shavkat Rahmonov (14-0) braziliialyq Mishel Prazerespen (26-3) ótken kezdesýine bailanysty pikir bildird, - dep habarlaidy Tengrinews.kz tilshisi Vesti.kz portalyna silteme jasap.
Bul kezdesý Las-Vegas (Nevada shtaty, AQSh) qalasyndaǵy UFC Vegas 30 týrnirinde ótti. Negizi aiqas úsh raýndqa josparlanǵan bolatyn. Biraq ekinshi raýnda qazaqstandyq sportshy qarsylasyn qylǵyndyrý ádisimen jeńdi.
"Ózimdi jaqsy sezinip turmyn. Qazaqstannyń týyn mundai arenada kótergenime qýanyshtymyn ári maqtan tutamyn. Kelesi qarsylas deisiz be? Osy kezdesýden keiin reitingte jaqsy orynda bolatynymdy bilemin. Múmkin úzdik 15 sportshynyń qataryna da qosylatyn shyǵarmyn. Úige baryp komandammen, bapkerlerimmen aqyldasý kerek. Shynymdy aitaiyn, Qazaqstandy qatty saǵyndym. Otbasymdy saǵyndym! Oktoganǵa tezirek qaita oralýǵa tyrysamyn", - dedi Rahmonov.
Aita keteiik, bul Rahmonovtiń aralas jekpe-jektegi 14-nshi kezdesýindegi 14-jeńis. Al UFC uiymynda ol ekinshi jeńisine qol jetkizip otyr.
