Búgin Olii Majlis Senatynda qaita sailanǵan Ózbekstan Prezidenti Shavkat Mirziioevti ulyqtaý rásimi ótti, dep habarlaidy QazAqparat uza aqparat agenttigine silteme jasap.
Olii Majlis palatalarynyń Ózbekstan Respýblikasy Prezidentiniń inaýgýratsiiasyna arnalǵan saltanatty birlesken otyrysynda Ortalyq sailaý komissiiasynyń tóraǵasy Zainiddin Nizomhodjaev minberge Shavkat Mirziioevti shaqyrdy.
«Ózbekstan halqyna adal qyzmet etýge, respýblika Konstitýtsiiasy men zańdaryn oryndaýǵa, azamattardyń quqyqtary men bostandyqtaryna kepildik berýge, Ózbekstan Respýblikasy Prezidentine júktelgen mindetterdi adal atqarýǵa saltanatty túrde ant etemin!», - dedi Shavkat Mirziioev.
Ant berilgennen keiin Ózbekstannyń Memlekettik gimni oryndaldy. OSK tóraǵasy Zainiddin Nizamhodjaev Shavkat Mirziioevke prezidenttiń káýligin tabys etti. Keiin Ózbekstan Respýblikasynyń Prezidenti minberde baiandama jasady.
Eske salaiyq, Ózbekstanda prezidenttiń sailaý 24 qazanda ótti. Jeńiske 80,12% daýyspen is basyndaǵy memleket basshysy Shavkat Mirziioev jetti.
