بٷگٸن وليي ماجليس سەناتىندا قايتا سايلانعان ٶزبەكستان پرەزيدەنتٸ شاۆكات ميرزييوەۆتٸ ۇلىقتاۋ رەسٸمٸ ٶتتٸ, دەپ حابارلايدى قازاقپارات uza اقپارات اگەنتتٸگٸنە سٸلتەمە جاساپ.
وليي ماجليس پالاتالارىنىڭ ٶزبەكستان رەسپۋبليكاسى پرەزيدەنتٸنٸڭ يناۋگۋراتسيياسىنا ارنالعان سالتاناتتى بٸرلەسكەن وتىرىسىندا ورتالىق سايلاۋ كوميسسيياسىنىڭ تٶراعاسى زاينيددين نيزومحودجاەۆ مٸنبەرگە شاۆكات ميرزييوەۆتٸ شاقىردى.
«ٶزبەكستان حالقىنا ادال قىزمەت ەتۋگە, رەسپۋبليكا كونستيتۋتسيياسى مەن زاڭدارىن ورىنداۋعا, ازاماتتاردىڭ قۇقىقتارى مەن بوستاندىقتارىنا كەپٸلدٸك بەرۋگە, ٶزبەكستان رەسپۋبليكاسى پرەزيدەنتٸنە جٷكتەلگەن مٸندەتتەردٸ ادال اتقارۋعا سالتاناتتى تٷردە انت ەتەمٸن!», - دەدٸ شاۆكات ميرزييوەۆ.
انت بەرiلگەننەن كەيiن ٶزبەكستاننىڭ مەملەكەتتiك گيمنi ورىندالدى. وسك تٶراعاسى زاينيددين نيزامحودجاەۆ شاۆكات ميرزييوەۆكە پرەزيدەنتتٸڭ كەۋلٸگٸن تابىس ەتتٸ. كەيٸن ٶزبەكستان رەسپۋبليكاسىنىڭ پرەزيدەنتٸ مٸنبەردە بايانداما جاسادى.
ەسكە سالايىق, ٶزبەكستاندا پرەزيدەنتتٸڭ سايلاۋ 24 قازاندا ٶتتٸ. جەڭٸسكە 80,12% داۋىسپەن ٸس باسىنداعى مەملەكەت باسشىسى شاۆكات ميرزييوەۆ جەتتٸ.
