Ózbekstan prezidenti Shavkat Mirziiaev AQSh prezidenti Donald Trampqa Niý-Iorkte bolǵan shabýyldan beibit adamdardyń qurban bolýyna bailanysty kóńil aitty.
«Qurmetti Amerika Qurama Shtattarynyń prezidenti Donald Djon Tramp! Niý-Iork qalasyndaǵy beibit turǵyndardyń ómirin jalmaǵan terroristik aktige bailanysty kóńil aitamyn. Mundai aiaýsyz jáne aýyr qylmys úshin eshkimdi aqtap shyǵa almaimyz. Biz ekstremizm jáne terrorizmniń kez kelgen túrin qatań jazalaimyz.
Bolǵan oqiǵa halyqaralyq qaýymdastyqtyń birigip áreket etýi kerektigin taǵy da rastaidy. Ózbekstan bul teraktige tergep-tekserý isine kez kelgen jaǵdaida aianbai járdem berýge daiyn. Qylmystyń ashylýyna tolyq kómek beremiz.
Jeke ózimniń jáne barsha Ózbekstan halqynyń atynan qaza bolǵandardyń týystary men jaqyndaryna, sondai-aq dostas Amerika Qurama Shtattarynyń halqyna kóńil aityp, zardap shekkenderdiń tezirek saýyǵyp ketýine tilektestik bildiremin», - delingen jedelhatta.
Esterińizge sala keteiik, 31 qazan kúni Niý-Iorktiń Manhetten aýdanynda júk kóligi velosiped jolaǵynda júrgen top adamdy qaǵyp ótip, segiz adam qaza tapqan, on bes adam jaralanǵan.
Politsiia júk kóliginiń júrgizýshisi - 29 jastaǵy Ózbekstan azamaty Saifýllo Saipovty shabýylǵa kúdikti retinde ustady. Shabýyldan soń AQSh prezidenti Donald Tramp immigranttardy jappai qatań tekserýge buiryq berdi.
