Foto: ashyq derekkóz
Qazaqstandyq «Shatyrdaǵy ekeý» filmi Máskeýde ótken Fashion Film Festival festivalinde toǵyz nominatsiia boiynsha jeńiske jetti, dep habarlaidy Ult.kz.
Baiqaý kino men vizýal óner salasyndaǵy shyǵarmashyl mamandardyń basyn qosty. Oǵan Resei, Belarýs, Qazaqstan, Ózbekstan, Latviia, Armeniia jáne Izrail elderi qatysty.
Otandyq týyndy mynadai atalymdar boiynsha úzdik atandy:
🔹úzdik kostiým (Elena Aitova);
🔹úzdik mýzyka (Viktor Sologýb);
🔹ekinshi plandaǵy úzdik áiel róli (Olga Landina);
🔹operatorlyq jumys (Aleksandr Plotnikov);
🔹dybys rejissýrasy (Rýslan Sakiev);
🔹basty áiel róli (Lidiia Iarysheva);
🔹úzdik grim (Tatiana Jambakeeva);
🔹prodiýserlik jumys (Aliia Sharipbaeva);
🔹kreativti kontseptsiia (Gúlshat Smaǵulova).
«Shatyrdaǵy ekeý» – rejisser Gúlshat Smaǵulovanyń tuńǵysh rejisserlik jumysy. Ol 15 jyldan astam kino óndirisi salasynda jumys istep keledi. Film ótken jyly qazaq jáne orys tilderinde prokatqa shyqty. Týyndyda taǵdyry qiyndyqqa toly jas jigit Damir men aýtizm dertine shaldyqqan jasóspirim Kostianyń arasyndaǵy dostyq baiandalady. Shyǵarmashylyq top kartinada inkliýziianyń mańyzyn jáne erekshe balalardyń qoǵamǵa beiimdelý máselesin kótergen.
Kinotýyndy QR Mádeniet jáne aqparat ministrliginiń tapsyrysymen jáne Ulttyq kinony qoldaý memlekettik ortalyǵynyń qoldaýymen túsirilgen. Túsirilim Almaty qalasynda jáne Almaty oblysyndaǵy Talǵar aýdanynda ótken.
