Foto: Videodan skrinshot
Sharyn Ulttyq park inspektorlary erekshe sátti kadrǵa túsirdi, dep habarlaidy Ult.kz.
Inspektorlar ushýdy úirenip júrgen dala qyranynyń balapanyn taspalap alǵan.
"Áli tájiribesi az bolǵanymen, bolashaqta kók aspannyń naǵyz qojaiynyna ainalary sózsiz", - dep jazylǵan Sharyn Ulttyq parkiniń instagram paraqshasynda.
Dala qyrany - (Aquila nipalensis) — Qazaqstannyń Qyzyl kitabyna engizilgen joiylyp bara jatqan jyrtqysh qus.
"Tabiǵat aiasynda jumys isteý – bul tek qyzmet emes, bul — tabiǵattaǵy erekshe sátterdiń alǵashqy kýágeri bolý. Kóz aldyńda ushýǵa úirenip jatqan jas qyrandy kórý - daladaǵy ómirdiń sulýlyǵyn jáne ony qorǵaýdyń qanshalyqty mańyzdy ekenin eske salady", - delingen habarlamada.
