Eki adamnyń ómirin qiǵan Sharyn shatqalyndaǵy qaiǵyly jaǵdai boiynsha eki qylmystyq is qozǵaldy, dep habarlaidy "Ult aqparat".
«Qazaqstan Respýblikasy Qylmystyq kodeksiniń 306-baby 3-bóligi jáne QR QK 141-babynyń 2-bóligi boiynsha sotqa deiingi tergeý bastaldy. Ózge aqparattar zańǵa sáikes jariialanbaidy», - dep málimdedi Almaty oblystyq politsiia departamentiniń baspasóz qyzmetinen.
Iaǵni, tergeý qaýipsizdik talaptaryna sai qyzmet kórsetpegi úshin adam ólimine ákep soqqan jaǵdai boiynsha jáne balalardyń densaýlyǵy men qaýipsizdiginiń saqtalmaǵandyǵyna sáikes júrip jatyr.
Eske salaiyq, 29 mamyr kúni Almatynyń №199 mektebiniń 5-synybynda oqityn 8 oqýshy, 5 ata-ana jáne 3 muǵalim Sharyn shatqalyna saiahatqa shyqqan.
Shatqalda kenet sel júrip, 2 adam mert boldy, bir adam iz-túzsiz joǵalyp, taǵy 6-aýy zardap shekti.
Keiinnen QR Bilim jáne ǵylym ministrligi atalǵan oqiǵa saldarynan 1 oqýshy men 1 muǵalimniń qaza tapqanyn, taǵy bir oqýshyny izdeý jumysy júrip jatqanyn málim etti.
Mert bolǵan ustaz - 26 jastaǵy Merei Ibragimov kórkemóner pánderinen sabaq bergen. Eńbek ótili – 5 jyl.
QR BǴM Balalar quqyǵyn qorǵaý komitetiniń tóraǵasy Esenǵazy Imanǵaliev bul saiahat mektep ákimshiligimen kelisilmegenin málim etti.
