«QazAgro» Holdingi aýyl turǵyndary úshin nesiege ótinimdi onlain formatta berý múmkindigin jasady. Júie ázirge Aqmola jáne Almaty oblystarynyń kásipkerleri úshin testtik rejimde iske qosyldy. Aldaǵy ýaqytta bul mehanizmdi basqa oblystarǵa da engizý josparlanyp otyr.
Memleket basshysy Qasym-Jomart Toqaev biyl 1-qyrkúiektegi «Syndarly qoǵamdyq dialog – Qazaqstannyń turaqtylyǵy men órkendeýiniń negizi» atty halyqqa Joldaýynda «Tiimdi shaǵyn jáne orta biznes – qala men aýyldy damytýdyń berik negizi. Shaǵyn, ásirese, mikrobiznes elimizdiń áleýmettik-ekonomikalyq jáne saiasi ómirinde mańyzdy ról atqarady», - dep atap ótken bolatyn.
Shaǵyn kásipkerlikpen ainalysatyn aýyldyqtardy memleket tarapynan qoldaýdyń orny bólek. Ásirese, kásip bastaimyn degen azamattardyń shaǵyn nesiege jyldam qol jetkizýin qamtamasyz etý óte mańyzdy.
«QazAgro» Holdinginiń enshiles kompaniiasy – Aýyl sharýashylyǵyn qarjylai qoldaý qory onlain-nesieleý jumysyn bastady. «Eńbek» baǵdarlamasy aiasynda mal sharýashylyǵyn damytýǵa (4 mln teńgege deiin) nesie alǵysy keletin kásipkerler úiinen nemese keńseden nesiege onlain ótinim bere alady.
Aita ketý kerek, kásipker bergen ótiniminiń maquldanǵanyn nemese maquldanbaǵanyn aldyn-ala bile alady. Buryn 10-13 qujat jinaý talap etilgen bolsa, qazir tek ótinim berýshiniń jeke kýáligi, elektrondy tsifrlyq qoltańbasy jáne kepildikke qoiatyn múliginiń qujaty ǵana qajet. Búgingi tańda jańa júie arqyly 65 sharýanyń ótinimi maquldanyp úlgerdi.
Almaty oblysynyń Jambyl aýdanyna qarasty Qainazar aýylynda turatyn Anapiia Aimuhan nesiege onlain-ótinim bergen alǵshqy sharýalardyń biri. Qoi sharýashylyǵyn damytýǵa úshinshi ret nesie alǵaly otyrǵan fermer avtomattandyrý júiesiniń artyqshylyǵy jóninde aityp berdi.
«Aýyl sharýashylyǵyn qarjylai qoldaý qorynan osyǵan deiin eki ret nesie alyp, qoi sharýashylyǵyn bastaǵan edim. Úshinshi ret taǵy nesie alǵaly otyrmyn. Buryn nesie alýǵa 10-13 qujat jinaityn edik. Qalaǵa jii baratynbyz, Halyqqa qyzmet kórsetý ortalyǵynyń kezegine turyp qansha ýaqyt ketiretinbiz. Jalpy qujat jinaýǵa eki aptadan bir aiǵa deiin ýaqytymyz ketetin. Jol shyǵynymyz taǵy bar. Qazir Elektrondy tsifrly qoltańbam, jeke kýáligim jáne kepildikke qoiatyn múligimniń qujaty ǵana kerek. Úide otyryp-aq, aldyn ala ótinim berýge múmkindik jasaǵan eken. Qýanyp otyrmyn. Jańa ǵana 4 mln teńge nesie alý úshin onlain ótinim bergen edim, mine ótinimińiz maquldandy degen habarlama keldi. Ary qarai nesie alýyma eshteńe bóget bolmaidy. Sharýalar úshin osyndai múmkindik jasaýǵa yqpal etken Prezidentimizge, mamandarǵa kóp rahmet!» - deidi Anapiia Aimuhan.
Aimuhannyń qorasynda qazir 150 bas saýlyq qoi men 60-qa jýyq toqtysy bar. Endi 4 mln teńge nesiege taǵy qoi men jem-shóp satyp almaq. 36 jastaǵy sharýanyń 3 balasy bar. Uldaryn da osy sharýashylyqqa baýlyǵysy keledi. Óitkeni, mal ósirý atakásibimiz jáne tabysty kóbeitip, turmysty jaqsartýǵa bolady, deidi ol. Qorasy men jaiylymyn keńeitý úshin jergilikti ákimdikke ótinish te jazyp qoiypty. Aýyly alyp shahardyń irgesinde bolǵandyqtan, qoidyń etin satýdan qiyndyq týyndamaitynyna bek senimdi.
Aýyl sharýashylyǵyn qarjylai qoldaý qorynyń Almaty filialyndaǵy ózine ózi qyzmet kórsetý aimaǵynan onlain ótinim berýge bolady. Talǵar aýdanynyń turǵyny Rústem Asimovtyń onlain-ótinimi az ǵana ýaqyttyń ishinde maquldandy. Endi ol aldaǵy 5 jumys kúniniń ishinde nesiesine qol jetkizedi.
«Men Talǵar aýdanynan keldim. Osy Aýyl sharýashylyǵyn qarjylai qoldaý qorynan buryn bir ret nesie alǵanmyn. Ol nesieni jaýyp tastap, mine ekinshi ret taǵy nesie alýǵa onlain-ótinim berip otyrmyn. Aldyńǵy nesieni alarda kóp qujat jinaǵanmyn. Osy jol bári ońai, tek elektrondy tsifrlyq qoltańba bolsa kompiýterde otyryp-aq kóp jumysty tyndyrýǵa bolady eken. Mamandar keńes berip, kómektesti. Negizi eshqandai qiyndyǵy joq eken», - deidi nesiege iri qara mal satyp alýdy josparlap otyrǵan kásipker.
Mal sharýashylyǵymen ainalysqysy kelgen kásipker «Eńbek» baǵdarlamasynyń talaptaryna sáikes bolýy shart. Eger kásipti endi bastap jatqan bolsa, biznes negizderin oqyǵany týraly sertifikaty men jumyspen qamtý ortalyǵynan alǵan joldamasy bolýy kerek.
«Eger siz Aqmola nemese Almaty oblysynyń turǵyny bolsańyz jáne mal sharýashylyǵyn damytýǵa qarjy alǵyńyz kelse, www.online.fagri.kz portalyna kirińiz jáne kelisimge qol qoiyńyz. «Jańa ótinim jasaý» batyrmasyn basyp, ótinimdi jeke kabinet arqyly jiberińiz. Júie memlekettik derekqordan aqparat suratý arqyly azamattyń nesie alý múmkindigi men senimdiligin tekseredi. Oń nátije bolǵan jaǵdaida «jalǵastyrý» batyrmasy iske qosylady. «Kepildikti qamtamasyz etý» bóliminde kepilge qoiýdy josparlaǵan múlikke qatysty derekterdi engizińiz, júie múliktiń naryqtyq qunyn esepteidi. Usynylǵan kepildik múlki jetkilikti bolǵan jaǵdaida júie kepildikti qamtamasyz etý jónindegi qujattarmen oblystyq filialǵa júginý múmkindigi týraly habarlamany kórsetedi», - deidi «Aýyl sharýashylyǵyn qarjylai qoldaý qory» AQ Nesieleý departamenti direktorynyń orynbasary Armat Baizaqov.
Qujattardy nesie menedjerine tapsyrǵannan keiin siz ózińizdiń jeke kabinetińizden ótinimińiz boiynsha júrgizilip jatqan jumystyń qai deńgeide ekenin baqylai alasyz. Ýákiletti organ oń sheshim shyǵarǵan jaǵdaida nesie shartyn jasasý úshin Aýyl sharýashylyǵyn qarjylai qoldaý qorynyń oblystyq filialyna barýyńyz kerek.
Ótinimdi aldyn ala maquldaý sheshimi 10-15 minýt aralyǵynda qabyldanady. Al, ótinimdi odan ári qaraý merzimi 15 kúnnen 5 jumys kúnine deiin qasqardy.
