«قازاگرو» حولدينگٸ اۋىل تۇرعىندارى ٷشٸن نەسيەگە ٶتٸنٸمدٸ ونلاين فورماتتا بەرۋ مٷمكٸندٸگٸن جاسادى. جٷيە ەزٸرگە اقمولا جەنە الماتى وبلىستارىنىڭ كەسٸپكەرلەرٸ ٷشٸن تەستتٸك رەجيمدە ٸسكە قوسىلدى. الداعى ۋاقىتتا بۇل مەحانيزمدٸ باسقا وبلىستارعا دا ەنگٸزۋ جوسپارلانىپ وتىر.
مەملەكەت باسشىسى قاسىم-جومارت توقاەۆ بيىل 1-قىركٷيەكتەگٸ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» اتتى حالىققا جولداۋىندا «تيٸمدٸ شاعىن جەنە ورتا بيزنەس – قالا مەن اۋىلدى دامىتۋدىڭ بەرٸك نەگٸزٸ. شاعىن, ەسٸرەسە, ميكروبيزنەس ەلٸمٸزدٸڭ ەلەۋمەتتٸك-ەكونوميكالىق جەنە ساياسي ٶمٸرٸندە ماڭىزدى رٶل اتقارادى», - دەپ اتاپ ٶتكەن بولاتىن.
شاعىن كەسٸپكەرلٸكپەن اينالىساتىن اۋىلدىقتاردى مەملەكەت تاراپىنان قولداۋدىڭ ورنى بٶلەك. ەسٸرەسە, كەسٸپ باستايمىن دەگەن ازاماتتاردىڭ شاعىن نەسيەگە جىلدام قول جەتكٸزۋٸن قامتاماسىز ەتۋ ٶتە ماڭىزدى.
«قازاگرو» حولدينگٸنٸڭ ەنشٸلەس كومپانيياسى – اۋىل شارۋاشىلىعىن قارجىلاي قولداۋ قورى ونلاين-نەسيەلەۋ جۇمىسىن باستادى. «ەڭبەك» باعدارلاماسى اياسىندا مال شارۋاشىلىعىن دامىتۋعا (4 ملن تەڭگەگە دەيٸن) نەسيە العىسى كەلەتٸن كەسٸپكەرلەر ٷيٸنەن نەمەسە كەڭسەدەن نەسيەگە ونلاين ٶتٸنٸم بەرە الادى.
ايتا كەتۋ كەرەك, كەسٸپكەر بەرگەن ٶتٸنٸمٸنٸڭ ماقۇلدانعانىن نەمەسە ماقۇلدانباعانىن الدىن-الا بٸلە الادى. بۇرىن 10-13 قۇجات جيناۋ تالاپ ەتٸلگەن بولسا, قازٸر تەك ٶتٸنٸم بەرۋشٸنٸڭ جەكە كۋەلٸگٸ, ەلەكتروندى تسيفرلىق قولتاڭباسى جەنە كەپٸلدٸككە قوياتىن مٷلٸگٸنٸڭ قۇجاتى عانا قاجەت. بٷگٸنگٸ تاڭدا جاڭا جٷيە ارقىلى 65 شارۋانىڭ ٶتٸنٸمٸ ماقۇلدانىپ ٷلگەردٸ.
الماتى وبلىسىنىڭ جامبىل اۋدانىنا قاراستى قاينازار اۋىلىندا تۇراتىن اناپييا ايمۇحان نەسيەگە ونلاين-ٶتٸنٸم بەرگەن العشقى شارۋالاردىڭ بٸرٸ. قوي شارۋاشىلىعىن دامىتۋعا ٷشٸنشٸ رەت نەسيە العالى وتىرعان فەرمەر اۆتوماتتاندىرۋ جٷيەسٸنٸڭ ارتىقشىلىعى جٶنٸندە ايتىپ بەردٸ.
«اۋىل شارۋاشىلىعىن قارجىلاي قولداۋ قورىنان وسىعان دەيٸن ەكٸ رەت نەسيە الىپ, قوي شارۋاشىلىعىن باستاعان ەدٸم. ٷشٸنشٸ رەت تاعى نەسيە العالى وتىرمىن. بۇرىن نەسيە الۋعا 10-13 قۇجات جينايتىن ەدٸك. قالاعا جيٸ باراتىنبىز, حالىققا قىزمەت كٶرسەتۋ ورتالىعىنىڭ كەزەگٸنە تۇرىپ قانشا ۋاقىت كەتٸرەتٸنبٸز. جالپى قۇجات جيناۋعا ەكٸ اپتادان بٸر ايعا دەيٸن ۋاقىتىمىز كەتەتٸن. جول شىعىنىمىز تاعى بار. قازٸر ەلەكتروندى تسيفرلى قولتاڭبام, جەكە كۋەلٸگٸم جەنە كەپٸلدٸككە قوياتىن مٷلٸگٸمنٸڭ قۇجاتى عانا كەرەك. ٷيدە وتىرىپ-اق, الدىن الا ٶتٸنٸم بەرۋگە مٷمكٸندٸك جاساعان ەكەن. قۋانىپ وتىرمىن. جاڭا عانا 4 ملن تەڭگە نەسيە الۋ ٷشٸن ونلاين ٶتٸنٸم بەرگەن ەدٸم, مٸنە ٶتٸنٸمٸڭٸز ماقۇلداندى دەگەن حابارلاما كەلدٸ. ارى قاراي نەسيە الۋىما ەشتەڭە بٶگەت بولمايدى. شارۋالار ٷشٸن وسىنداي مٷمكٸندٸك جاساۋعا ىقپال ەتكەن پرەزيدەنتٸمٸزگە, ماماندارعا كٶپ راحمەت!» - دەيدٸ اناپييا ايمۇحان.
ايمۇحاننىڭ قوراسىندا قازٸر 150 باس ساۋلىق قوي مەن 60-قا جۋىق توقتىسى بار. ەندٸ 4 ملن تەڭگە نەسيەگە تاعى قوي مەن جەم-شٶپ ساتىپ الماق. 36 جاستاعى شارۋانىڭ 3 بالاسى بار. ۇلدارىن دا وسى شارۋاشىلىققا باۋلىعىسى كەلەدٸ. ٶيتكەنٸ, مال ٶسٸرۋ اتاكەسٸبٸمٸز جەنە تابىستى كٶبەيتٸپ, تۇرمىستى جاقسارتۋعا بولادى, دەيدٸ ول. قوراسى مەن جايىلىمىن كەڭەيتۋ ٷشٸن جەرگٸلٸكتٸ ەكٸمدٸككە ٶتٸنٸش تە جازىپ قويىپتى. اۋىلى الىپ شاھاردىڭ ٸرگەسٸندە بولعاندىقتان, قويدىڭ ەتٸن ساتۋدان قيىندىق تۋىندامايتىنىنا بەك سەنٸمدٸ.
اۋىل شارۋاشىلىعىن قارجىلاي قولداۋ قورىنىڭ الماتى فيليالىنداعى ٶزٸنە ٶزٸ قىزمەت كٶرسەتۋ ايماعىنان ونلاين ٶتٸنٸم بەرۋگە بولادى. تالعار اۋدانىنىڭ تۇرعىنى رٷستەم اسيموۆتىڭ ونلاين-ٶتٸنٸمٸ از عانا ۋاقىتتىڭ ٸشٸندە ماقۇلداندى. ەندٸ ول الداعى 5 جۇمىس كٷنٸنٸڭ ٸشٸندە نەسيەسٸنە قول جەتكٸزەدٸ.
«مەن تالعار اۋدانىنان كەلدٸم. وسى اۋىل شارۋاشىلىعىن قارجىلاي قولداۋ قورىنان بۇرىن بٸر رەت نەسيە العانمىن. ول نەسيەنٸ جاۋىپ تاستاپ, مٸنە ەكٸنشٸ رەت تاعى نەسيە الۋعا ونلاين-ٶتٸنٸم بەرٸپ وتىرمىن. الدىڭعى نەسيەنٸ الاردا كٶپ قۇجات جيناعانمىن. وسى جول بەرٸ وڭاي, تەك ەلەكتروندى تسيفرلىق قولتاڭبا بولسا كومپيۋتەردە وتىرىپ-اق كٶپ جۇمىستى تىندىرۋعا بولادى ەكەن. ماماندار كەڭەس بەرٸپ, كٶمەكتەستٸ. نەگٸزٸ ەشقانداي قيىندىعى جوق ەكەن», - دەيدٸ نەسيەگە ٸرٸ قارا مال ساتىپ الۋدى جوسپارلاپ وتىرعان كەسٸپكەر.
مال شارۋاشىلىعىمەن اينالىسقىسى كەلگەن كەسٸپكەر «ەڭبەك» باعدارلاماسىنىڭ تالاپتارىنا سەيكەس بولۋى شارت. ەگەر كەسٸپتٸ ەندٸ باستاپ جاتقان بولسا, بيزنەس نەگٸزدەرٸن وقىعانى تۋرالى سەرتيفيكاتى مەن جۇمىسپەن قامتۋ ورتالىعىنان العان جولداماسى بولۋى كەرەك.
«ەگەر سٸز اقمولا نەمەسە الماتى وبلىسىنىڭ تۇرعىنى بولساڭىز جەنە مال شارۋاشىلىعىن دامىتۋعا قارجى العىڭىز كەلسە, www.online.fagri.kz پورتالىنا كٸرٸڭٸز جەنە كەلٸسٸمگە قول قويىڭىز. «جاڭا ٶتٸنٸم جاساۋ» باتىرماسىن باسىپ, ٶتٸنٸمدٸ جەكە كابينەت ارقىلى جٸبەرٸڭٸز. جٷيە مەملەكەتتٸك دەرەكقوردان اقپارات سۇراتۋ ارقىلى ازاماتتىڭ نەسيە الۋ مٷمكٸندٸگٸ مەن سەنٸمدٸلٸگٸن تەكسەرەدٸ. وڭ نەتيجە بولعان جاعدايدا «جالعاستىرۋ» باتىرماسى ٸسكە قوسىلادى. «كەپٸلدٸكتٸ قامتاماسىز ەتۋ» بٶلٸمٸندە كەپٸلگە قويۋدى جوسپارلاعان مٷلٸككە قاتىستى دەرەكتەردٸ ەنگٸزٸڭٸز, جٷيە مٷلٸكتٸڭ نارىقتىق قۇنىن ەسەپتەيدٸ. ۇسىنىلعان كەپٸلدٸك مٷلكٸ جەتكٸلٸكتٸ بولعان جاعدايدا جٷيە كەپٸلدٸكتٸ قامتاماسىز ەتۋ جٶنٸندەگٸ قۇجاتتارمەن وبلىستىق فيليالعا جٷگٸنۋ مٷمكٸندٸگٸ تۋرالى حابارلامانى كٶرسەتەدٸ», - دەيدٸ «اۋىل شارۋاشىلىعىن قارجىلاي قولداۋ قورى» اق نەسيەلەۋ دەپارتامەنتٸ ديرەكتورىنىڭ ورىنباسارى ارمات بايزاقوۆ.
قۇجاتتاردى نەسيە مەنەدجەرٸنە تاپسىرعاننان كەيٸن سٸز ٶزٸڭٸزدٸڭ جەكە كابينەتٸڭٸزدەن ٶتٸنٸمٸڭٸز بويىنشا جٷرگٸزٸلٸپ جاتقان جۇمىستىڭ قاي دەڭگەيدە ەكەنٸن باقىلاي الاسىز. ۋەكٸلەتتٸ ورگان وڭ شەشٸم شىعارعان جاعدايدا نەسيە شارتىن جاساسۋ ٷشٸن اۋىل شارۋاشىلىعىن قارجىلاي قولداۋ قورىنىڭ وبلىستىق فيليالىنا بارۋىڭىز كەرەك.
ٶتٸنٸمدٸ الدىن الا ماقۇلداۋ شەشٸمٸ 10-15 مينۋت ارالىعىندا قابىلدانادى. ال, ٶتٸنٸمدٸ ودان ەرٸ قاراۋ مەرزٸمٸ 15 كٷننەن 5 جۇمىس كٷنٸنە دەيٸن قاسقاردى.
