Foto: rudnyi-altai.kz
Otandyq sharýalardy qoldaý úshin Úkimet rezervinen 116 mlrd 772 mln teńgeden astam qarajat bólindi. Premer-ministr tiisti qaýlyǵa qol qoidy, dep habarlaidy Ult.kz.
Qarajatty 2025 jylǵy kóktemgi egis jáne jiyn-terim jumystaryn sapaly júrgizý, sondai-aq otandyq óndiristegi aýyl sharýashylyǵy tehnikasyn satyp alý úshin agrarlyq-ónerkásiptik keshen sýbektilerin qarjylandyrýǵa baǵyttaý josparlanǵan.
«Bul ári qarai elimizde óndirilgen jáne qurastyrylǵan aýyl sharýashylyǵy tehnikasyn satyp alýdy qarjylandyrýǵa, keiin ony lizingke berýge, sondai-aq «Damý» kásipkerlikti damytý qory» AQ tarapynan nesie sharttaryn kepildendirý kezinde komissiiany arzandatý úshin «Agrarlyq nesie korporatsiiasy» AQ men «QazAgroQarjy» AQ obligatsiialary boiynsha kýpondyq syiaqyny sýbsidiialaý arqyly júzege asyrylady», - delingen Úkimet habarlamasynda.
Aita keteiik, Prezidenttiń QR Úkimetiniń keńeitilgen otyrysynda bergen tapsyrmalaryn oryndaý sheńberinde Úkimet 2025 jylǵy kóktemgi egis jáne jiyn-terim jumystaryn qarjylandyrýdyń kólemin arttyrý maqsatynda alǵashqy 100 mlrd teńgeni 2024 jyldyń jeltoqsanynda bólgen bolatyn.
