Shardaralyqtar Tuńǵysh Prezident kúnine arnalǵan saltanatty is-sharany osyndai taqyryppen atap ótti, dep habarlaidy Ult.kz tilshisi.
Qaladaǵy B.Soqpaqbaev atyndaǵy jalpy orta mektebinde Qazaqstan Respýblikasynyń Tuńǵysh Prezidenti kúnine orai merekelik shara uiymdastyryldy. Aýdan basshylary aldymen qala mektepteri ázirlegen kórmeni tamashalady. Kórmede memleket basshysy Nursultan Ábishulynyń ómirbaiany men Qazaqstannyń damý kezeńderi, Rýhani jańǵyrý aiasynda aýdan kóleminde atqarylyp jatqan sharýalar keńinen tanystyryldy.
Qala, aýyl ákimderi men mekeme, uiym basshylary, aýyl bileri men aqsaqaldar qaýymy jinalǵan saltanatty merekede aýdan ákiminiń orynbasary Baýyrjan Shompiev baiandama jasady.
– Búgin shardaralyqtar barlyq qazaqstandyqtarmen birge erekshe mereke – Qazaqstan Respýblikasynyń Tuńǵysh Prezidenti kúnin atap ótýdemiz. Bul mereke - jańa táýelsiz memlekettiń negizin qalaýshy retinde Nursultan Ábishuly Nazarbaevtyń airyqsha eńbegine qurmet retinde belgilendi. Nursultan Nazarbaev Qazaqstan basshylyǵyna qiyn kezeńde keldi. Alaida, memleket basshysynyń kemeńgerligi men saiasi erik-jigeri qiyndyqtardy eńserip qana qoimastan, búgingi tańda elimizdiń ekonomikasy qarqyndy damýshy memleketter qatarymen terezesi teń dárejede damýyna airyqsha kúsh salyp keledi, – degen Baýyrjan Qýanyshbaiuly aýdan turǵyndaryn aitýyl merekemen quttyqtady.
Munan keiin túrli salada aýdannyń áleýmettik-ekonomikalyq damýyna, kórkeiip-gúldenýine airyqsha úles qosyp júrgen qyzmetkerlerdi marapattaý rásimi bastaldy. Byltyr iske qosylǵan balyq óńdeý zaýytynyń basshysy, jeke kásipker Talǵat Jalǵasbaev, aýdandyq ishki ister bóliminiń politsiia maiory Tillábek Musa, aýdandyq ishki ister bóliminiń aǵa leitenanty Orazhan Amanov, №1 aýdandyq balalar men jasóspirimder sport mektebiniń direktory Abai Sákiev, aýdandyq «Ósken óńir» gazetiniń korrektory Gúlnar Aǵmanova, aýdandyq «Abai» Mádeniet saraiynyń kórkemdik jetekshisi Aǵabek Dóńbaev, «Balaýsa» balabaqshasynyń meńgerýshisi Elmira Erýbaeva, aýdandyq qurylys, sáýlet jáne qala qurylysy bóliminiń ádiskeri Perdebek Ibadýllaev, aýdandyq jumyspen qamtý jáne áleýmettik baǵdarlamalar bóliminiń assistenti Madiiar Ábdibekov, «Aq altyn» jalpy orta mektebiniń muǵalimi Erǵali Meldebek aýdan ákimi Bolatbek Qystaýovtyń «Alǵys hattarymen» marapattaldy.
Merekege jinalǵan qaýymdy aýdandyq máslihattyń hatshysy Bultbai Mútáliev te quttyqtady.
– Nursultan Ábishulynyń eren eńbegi men kóregen saiasatynyń arqasynda ǵasyrda jasalar ister qysqa merzimde júzege asty. Qazaq eliniń táýelsizdik alǵannan bergi baǵyndyrǵan shyńdary jeterlik. Tarih úshin qas-qaǵym sát bolǵanymen shirek ǵasyrdan endi ǵana asyp kele jatqan ýaqyt ishinde býyny endi beki bastaǵan el álemdik deńgeidegi alpaýyttarmen iyq tirestirip, tyń bastamalarǵa uiytqy bola alatyndyǵyn da pash etip otyr, - dedi Bultbai Lesbekuly.
Aýdandyq máslihat depýtattary atynan shardaralyqtardy Tuńǵysh Prezident kúnimen quttyqtaǵan Bultbai Lesbekuly «Shardara» mektep-litseii direktorynyń orynbasary Gúlzakira Isaevaǵa, aýdandyq ortalyq aýrýhananyń perzenthana bóliminiń meńgerýshisi mindetin atqarýshy Ardaq Álmenovaǵa, aýdandyq balalar jáne saz mektebi direktorynyń oqý-tárbie isi jónindegi orynbasary Aqtolqyn Ábdievaǵa, aýdandyq jumyspen qamtý jáne áleýmettik baǵdarlamalar bóliminiń bas mamany Shynbolat Raihanovqa, aýdandyq «Jastar resýrstyq ortalyǵynyń» qyzmetkeri Oljas Tólepbergenovke aýdandyq máslihattyń «Alǵys hatyn» saltanatty túrde tabystady.
Mereke barysynda aýdandyq «Abai» Mádeniet saraiynyń jáne aýdandyq balalar jáne saz mektebiniń ónerpazdary ásem ánnen shashý shashyp, Elbasy súigen ánderdi náshine keltire oryndady.
