Shardara sý qoimasynda óli balyqtardyń tabylǵany týraly aqparatqa orai sýdan synama alý jumystary júrgizildi. Bul týraly QR Ekologiia, geologiia jáne tabiǵi resýrstar ministrliginen málim etti, dep habarlaidy "Ult aqparat".
«BAQ pen áleýmettik jelilerde Shardara sý qoimasynda óli balyqtardyń tabylǵany týraly aqparattyń jariialanýyna bailanysty QR Ekologiia, geologiia jáne tabiǵi resýrstar ministrliginiń «Qazgidromet» respýblikalyq memlekettik kásiporny kelesi núktelerden jospardan tys sý synamalaryn aldy: Syrdariia ózeni, Shardara sý qoimasyna deiin; Syrdariia ózeni, Shardara qoimasy bógetinen 2 shaqyrym tómen (tómengi jaǵy); Shardara sý qoimasy, bógetten 2 shaqyrym joǵary; Shardara sý qoimasy, Serebrianyi jaǵajaiynyń tusy; Shardara sý qoimasy, Qytai qalashyǵy jaǵajaiynyń tusy», - delingen ministrliktiń Telegram-paraqshasynda taratylǵan aqparatta.
Vedomstvo málimetinshe, sý sapasyn taldaý 46 kórsetkish, onyń ishinde basty iondar, tastalǵan jáne organikalyq emes zattar, aýyr metaldar boiynsha júrgiziledi.
«2020 jylǵy 22 naýryzda negizgi kórsetkishterdi taldaý nátijeleri týraly aqparat jariialanady. Sondai-aq, 2020 jylǵy 26 naýryzda 5 táýlik boiy oryndalatyn «ottekti biohimiialyq tutyný (5)» taldaýynyń nátijeleri usynylady», - dedi ministrlikten.
