Bilim jáne ǵylym ministri Ashat Aimaǵambetov «Serpin» baǵdarlamasyna qatysty pikir bildirdi, dep habarlaidy QazAqparat.
«Jalpy, «Serpin» baǵdarlamasy boiynsha yntasy bar stýdentter jaqsy oqyp jatyr. Kórsetkishter jaman emes. Álbette, keibir jerde «Serpin» baǵdarlamasymen bilim alǵannan keiin óz aýylyna baryp, jumys isteimin deitin mysaldar barshylyq. Biraq bárin birkelki qylyp, aýylǵa ketip jatyr dep aita almaimyz», - dedi dedi Bilim jáne ǵylym ministri Úkimet otyrysynan keiin tilshilerdiń aldynda.
Ministrdiń aitýynsha, «Serpin» baǵdarlamasy boiynsha naqty mehanizm bar.
«Mehanizm boiynsha balalar oqýǵa túsken kezde tiisti kelisimsharta qol qoiady. Sol kelisimshartta barǵan óńirde jumys isteý boiynsha jaýapkershilik jazylǵan. Sol kelisimsharttyń negizinde jumys júrgizý kerek. Tiisti talapty oryndamai jatqan jastarǵa qatysty tiisti shara qoldaný kerek. Zańnamada bári jazylǵan ǵoi», - dedi Ashat Aimaǵambetov.
