Shyǵys Qazaqstan oblysy Shar qalasyndaǵy jappai tóbeleske qatysty qylmystyq is qozǵalǵan, dep habarlaidy QazAqparat.
Keshe keshki ýaqytta áleýmettik jelilerde Shar shaharyndaǵy kóshelerdiń birinde bir top jigittiń jappai tóbelesip jatqandyǵy týraly video tarap ketti.
Onda eregesken er adamdardyń bir-birine atylyp, bylapyt sózder aitqandary kórinis bergen. ShQO Politsiia departamentiniń baspasóz qyzmeti bul derekke qatysty túsinik berdi.
«Atalǵan fakti boiynsha 23 qarashada Qazaqstan Respýblikasy Qylmystyq kodeksiniń 293-baby 2-bóligine (bir top adam jasaǵan buzaqylyq) sáikes sotqa deiingi tergeý amaldary bastaldy. Sonyń qorytyndysy boiynsha tiisti protsessýaldyq sheshim qabyldanady. Ázirge eshkimnen dene jaraqaty týraly aryz-shaǵym túsken joq. Qylmystyq istiń tergelýi jáne oqiǵanyń barlyq mán-jaiynyń anyqtalýy departament basshylyǵynyń erekshe baqylaýyna alyndy», - dep habarlady vedomstvo ókilderi.
