Búgin májilis otyrysynda depýtat Dáýlet Muqaev ulttyq naqyshtaǵy kiim kiiý dástúrin tek Naýryz meiramymen, bir rettik naýqandarmen shektemei, trendke ainaldyrý qajet ekenin aitty dep habarlaidy, "Ult Aqparat".
Dáýlet Muqaev ulttyq kiim – ultymyzdyń ulylyǵyn ulyqtaityn, ulttyq kodymyzdy bildiretin aishyqty kórsetkish ekenin, ulttyq kiimderimizdiń mol murasymen maqtana alatyndai el ekenimizdi eske saldy.
"Búginde ulttyq kiimimiz ózimizde emes, ózge elderde keńinen ulyqtalý ústinde. Áleýmettik jelide Qytaida qazaq jigitiniń ulttyq kiimmen kóshede júrip eldiń nazaryna túsken videosy 5 millionǵa jýyq qaralym jinap, halyqtyń ystyq yqylasyna bólengen", - deidi depýtat.
Alaida óz elimizde ulttyq kiimdi nasihattaý tek bir rettik chellendjder men aktsiialarmen ǵana shektelip jatyr.
"Sońǵy ýaqytta jalpy halyq arasynda «Ulttyq sezim» jalpyulttyq aktsiiasy bastalyp, el arasynda keńinen qoldaý taýyp keledi. Aktsiiany ziialy qaýym ókilderi, jýrnalister men blogerler, oqý ordalary qoldap, aptanyń ár jumasynda ulttyq naqyshtaǵy kiimderdi kiip júrgender qatary kóbeidi. Osy aktsiiany bastaǵan azamattarǵa erekshe alǵysymdy bildiremin. Ulttyq kiim mádeni maidannyń negizgi qarýy, halyq sanasyna áser etýshi kúsh ekenin eskersek bul máselege ústirtin qaraýǵa bolmaidy. «Ulttyq kiimderdi tek naýryzda ǵana emes, jai kúnderi de jii kiip júrýimiz kerek» - dep Prezidentimiz de úndeý tastaǵan edi.
Aldaǵy ýaqytta ulttyq naqyshtaǵy kiim kiiý dástúrin tek Naýryzben, aktsiialarmen ǵana shektemei, ony trendke ainaldyrý qajet", - degen usynys aitty Dáýlet Muqaev.
Osydan keiin depýtat bastarynan aiyr qalpaǵyn tastamaityn kórshi Qyrǵyz elin, Ózbekstan men Sheshenstandy mysalǵa keltirdi.
"Máselen, baýyrlas qyrǵyz halqy bastarynan aiyr qalpaǵyn tastamaidy. Soǵan qarap-aq, ony qyrǵyz ekenin jazbai tanisyń. Tipti Joǵarǵy Keneshtiń ózinde depýtattary aiyr qalpaqtaryn kiip otyrady. Ol qala berdi ulttyq kiimderin saqtaý maqsatynda, 5 naýryzdy – Aiyr qalpaq kúni dep memlekettik deńgeide bekitip, IýNESKO-nyń materialdyq emes mádeni muralarynyń tizimine engizgen. Bundai kún tek Qyrǵyzstanda ǵana emes álemniń Braziliia, Ispaniia, Shotlandiia, Japoniia syndy alpaýyt elderinde bar. Kórshiles ózbek halqy da ala taqiiasy men shapanyn kúndelikti kiedi. Sol sekildi sheshen halqy da eltiri bórigimen erekshelenedi", - deidi depýtat.
Depýtattyń aitýynsha, biz de óz ulttyq kiimimizdi ózimiz kiiýdi sánge ainaldyrmasaq, birtindep olardy basqalar iemdenip ketýi múmkin. Sońynda shapanymyzdan airylyp, qamshymyzdy ǵana ustap qalýymyz yqtimal.
Joǵaryda aitylǵandardy qoryta kele, depýtat Úkimetke kelesi sharalardy qolǵa alýdy usyndy:
Birinshiden, ulttyq kiimderimizdi ulyqtaý maqsatynda respýblikalyq deńgeide «Ulttyq kiim» kúnin bekitý. Bul kún mádeni qundylyqtarymyzdy keńinen nasihattap, óskeleń urpaqty otanshyldyqqa tárbieleýdiń negizi bolar edi.
Ekinshiden, memlekettik qyzmetkerler men halyqqa qyzmet kórsetetin ortalyq qyzmetkerleriniń kiimderine qazaqi aidentika elementterin qosý.
Úshinshiden, Ulttyq kiim óndiretin otandyq kásipkerlerge memleket tarapynan qoldaý kórsetip, biznesti qoldaýǵa baǵyttalǵan granttarda ulttyq kiim kásibine basymdyq berý. Halyq arasynda ulttyq kiimdi qoljetimdi etýge yqpal etip, suranysty arttyrý;
Tórtinshiden, mektep oqýshylary kietin ulttyq kiimder standartyn ázirlep engizý, ári halyqaralyq túrli jarystarǵa (ǵylymi olimpiada, sport) baratyn azamattardyń formalaryna mindetti túrde ulttyq naqyshty beineleý.
"Sonymen qatar qurmetti áriptester, Parlament tórinde, millionnan astam oqyrmanyma da ulttyq naqyshtaǵy kiimderdi nasihattap júrgenimdi jaqsy bilesizder. Osyndai úrdisti sizder de ilip áketip, qoldasańyzdar kópke qozǵaý salar edi", - dep qorytyndylady sózin depýtat Muqaev.
