Almatyda shamamen 200 "Altyn belgi" iegeri granttarynan aiyrylyp otyr, - dep habarlaidy KTK telearnasy.
Talapkerlerdiń ata-analarynyń aitýynsha, bir top talapker aqysyz oqýǵa túskender tiziminde bolsa da, sertifikatyn ala almai júr. Sondyqtan olar10 kúnnen beri qabyldaý komissiiasyna baryp júr. Biraq sertifikat daýlaǵandarǵa jaýap berip jatqan eshkim joq.
"10 tamyz kúngi tizim boiynsha Asfendiiarovta boldyq. 14 tamyzdaǵy tizimde Kazgýde boldyq. Endi ne Kazgýde, ne Asfendiiarovta joqpyz", - deidi talapker Áliia Sálmenova.
Telearnanyń málimetinshe, sertifikat daýymen júrgenderdiń barlyǵy - "Altyn belgi" iegerleri. Bári de UBT kezinde óz bilimderin dáleldep, 100-den asa ball alǵan.
"Búkil sertifikatty alyp kelgenbiz. Búginnen bastap jumys istegenbiz. Biraq keiin sertifikatty qaita alyp qoidy. Sertifikat beredi - biz jumys isteimiz. Sertifikat bolmasa - biz jumys istei almaimyz", - dedi S.J. Asfendiiarov atyndaǵy QazUMÝ prorektory Qazbek Tólebaev.
Bilim ministrligindegiler óz kezeginde bilim grantyn alǵan talapkerlerdiń barlyǵy JOO-larda oqitynyn aitty. (Derekkóz: KTK).
Biylǵy ilim granty iegerleriniń tolyq tizimi 2017jyldyń 10 tamyzynda jariialanǵan bolatyn.
Osy jyly joǵary bilim alý úshin bilim granttarynyń sany 37 932 grantqa deiin jetkizildi. Onyń ishinde, 35 082 grant 1 kýrsqa qabyldaý úshin (kúndizgi oqý nysany boiynsha - 34 782, syrttai oqý nysany boiynsha - 300 grant), 2850 oryn - joǵary oqý oryndarynyń daiyndyq bólimderi úshin bólindi.
