Almaty oblysy Shamalǵan stansasynda bolǵan jol apatynan soń jaiaý júrginshilerge arnalǵan kópir salyndy, dep habarlaidy QazAqparat.
Búgin oblys ákimi Amandyq Battalovtyń qatysýymen kópirdiń saltanatty ashylýy boldy.
«Búgin biz osy erekshe qurylys nysanyn paidalanýǵa berip otyrmyz. Kópirdiń uzyndyǵy 59-60 metr bolsa, biiktigi 9 metrge jetti. Egde adamdar men jas balalarǵa arnalǵan eki lift ashyldy», - dedi ákim.
Onyń aitýynsha, qurylysqa jergilikti biýdjetten 365 mln teńge jumsalǵan. Qurylys nysany oblystyq turǵyn úi kommýnaldyq sharýashylyq menshigine beriledi.
Kópirdiń ashylýynda Jibek jol aýylynyń turǵyny Oksana Viktorovna turǵyndar tarapynan rizashylyǵyn bildirdi.
«Kópir qurylysyn kóp kúttik. Jyl saiyn júretin poiyzdar sany artyp keledi. Balalarymdy mektepke jibergende ýaiymdaitynmyn. Pandemiia kezinde de kópir qurylysy toqtamaǵany qýantady. Nysan ýaqytynda berildi. Oblys ákimine alǵysymdy bildiremin», - dedi ol.
Eske salsaq, 2019 jyly 15 qyrkúiekte Shamalǵan stantsiiasynda relstiń ústinde turyp qalǵan jolaýshylar avtobýsymen jolaýshylar poiyzy soqtyǵysqan bolatyn.
Saldarynan avtobýs júrgizýshisi sol jerde mert bolyp, taǵy 3 adam Qarasai aýdandyq aýrýhanasynyń jansaqtaý bólimine tústi.
Sot jazany taǵaiyndaý kezinde stantsiia kezekshisi Ahmedjanovtyń óz kinásin moiyndap, shyn ókinýin, onyń jasyn, otbasylyq jaǵdaiyn eskere otyryp, ony 3 jyl 6 aiǵa shartty túrde sottaǵan edi.
Osy oqiǵadan keiin Shamalǵan stantsiiasynda estakada túrinde jol ótpesin salý sheshildi. Júrginshiler kópiriniń qurylysy da bastaldy.
