Shamalǵan ótkelinde poiyzǵa soǵyzǵan avtobýsta 67 adam bolǵan. Bul týraly "Ult aqparat" Almaty oblysy ákiminiń baspasóz qyzmetine silteme jasap habarlaidy.
«Avtobýsta jalpy sany 67 adam bolǵan. Soqtyǵysý oqiǵasy boiynsha qylmystyq is qozǵaldy», - delingen habarlamada.
Esterińizge sala keteiik, 15 qyrkúiek kúni Shamalǵan stantsiiasynda poiyz ben avtobýs soqtyǵysty. Aldyn-ala boljam boiynsha, jolaýshylar avtobýsy temir joldyń relsine shyǵyp ketken.
Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bóliminde jatyr. Onyń ekeýi bala.
Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy.
