شامالعان ٶتكەلٸندە پويىزعا سوعىزعان اۆتوبۋستا 67 ادام بولعان. بۇل تۋرالى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ حابارلايدى.
«اۆتوبۋستا جالپى سانى 67 ادام بولعان. سوقتىعىسۋ وقيعاسى بويىنشا قىلمىستىق ٸس قوزعالدى», - دەلٸنگەن حابارلامادا.
ەستەرٸڭٸزگە سالا كەتەيٸك, 15 قىركٷيەك كٷنٸ شامالعان ستانتسيياسىندا پويىز بەن اۆتوبۋس سوقتىعىستى. الدىن-الا بولجام بويىنشا, جولاۋشىلار اۆتوبۋسى تەمٸر جولدىڭ رەلسٸنە شىعىپ كەتكەن.
وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸندە جاتىر. ونىڭ ەكەۋٸ بالا.
قازٸر اتالعان فاكتٸ بويىنشا قر قك 345-بابىنىڭ 3-تارماعى بويىنشا ٸس قوزعالىپ, تەرگەۋ جٷرٸپ جاتىر. ٸستٸڭ تەرگەلۋٸن باس كٶلٸكتٸك پروكۋراتۋرا ٶز باقىلاۋىنا الدى.
