Almaty oblysyndaǵy Shamalǵan stansasynda bolǵan apattyń qalai bolǵanyn jolaýshylardyń biri aityp berdi, dep habarlaidy "Ult aqparat" «Almaty» telearnasyna silteme jasap.
«Barlyǵymyz shýladyq, esikti ash dep shyryldadyq. Kózi bailanyp qaldy. Qudai kórip tur. Poiyz kele jatyr. Bárimiz ishindemiz, shyryldadyq. Esikti ashpady. Men artynda otyrdym. Avtobýs adamǵa toly boldy. Kóliktiń aldynda da, artynda da keptelis boldy. Ol jerde shynymen shyǵatyn jer joq. Avtobýs júrgizýshisi esikti ashpai otyrdy. Endi ol qaitys boldy. Biraq shyny kerek, onyń kózi bailandy. Myna jerge kópir kerek. Men Jambyl aýylynan vokzalǵa bara jatqanmyn. Qaskeleń jaqtan kele jatqanmyn. Bizge kópir kerek bul jerge. Ómiri kópir salamyz deidi, salmaidy», dedi ózin kýáger, ári avtobýstyń ishinde bolǵan jolaýshynyń birimin dep tanystyrǵan Qairatbek Qaldyqulov.
Esterińizge sala keteiik, búgin 19:30 minýtta Shamalǵan stantsiiasynda poiyz ben avtobýs soqtyǵysty. Aldyn ala boljam boiynsha, avtobýs temir joldyń relsine shyǵyp ketken.
Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bóliminde jatyr. Onyń ekeýi bala.
Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy.
