الماتى وبلىسىنداعى شامالعان ستانساسىندا بولعان اپاتتىڭ قالاي بولعانىن جولاۋشىلاردىڭ بٸرٸ ايتىپ بەردٸ, دەپ حابارلايدى "ۇلت اقپارات" «الماتى» تەلەارناسىنا سٸلتەمە جاساپ.
«بارلىعىمىز شۋلادىق, ەسٸكتٸ اش دەپ شىرىلدادىق. كٶزٸ بايلانىپ قالدى. قۇداي كٶرٸپ تۇر. پويىز كەلە جاتىر. بەرٸمٸز ٸشٸندەمٸز, شىرىلدادىق. ەسٸكتٸ اشپادى. مەن ارتىندا وتىردىم. اۆتوبۋس ادامعا تولى بولدى. كٶلٸكتٸڭ الدىندا دا, ارتىندا دا كەپتەلٸس بولدى. ول جەردە شىنىمەن شىعاتىن جەر جوق. اۆتوبۋس جٷرگٸزۋشٸسٸ ەسٸكتٸ اشپاي وتىردى. ەندٸ ول قايتىس بولدى. بٸراق شىنى كەرەك, ونىڭ كٶزٸ بايلاندى. مىنا جەرگە كٶپٸر كەرەك. مەن جامبىل اۋىلىنان ۆوكزالعا بارا جاتقانمىن. قاسكەلەڭ جاقتان كەلە جاتقانمىن. بٸزگە كٶپٸر كەرەك بۇل جەرگە. ٶمٸرٸ كٶپٸر سالامىز دەيدٸ, سالمايدى», دەدٸ ٶزٸن كۋەگەر, ەرٸ اۆتوبۋستىڭ ٸشٸندە بولعان جولاۋشىنىڭ بٸرٸمٸن دەپ تانىستىرعان قايراتبەك قالدىقۇلوۆ.
ەستەرٸڭٸزگە سالا كەتەيٸك, بٷگٸن 19:30 مينۋتتا شامالعان ستانتسيياسىندا پويىز بەن اۆتوبۋس سوقتىعىستى. الدىن الا بولجام بويىنشا, اۆتوبۋس تەمٸر جولدىڭ رەلسٸنە شىعىپ كەتكەن.
وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸندە جاتىر. ونىڭ ەكەۋٸ بالا.
قازٸر اتالعان فاكتٸ بويىنشا قر قك 345-بابىنىڭ 3-تارماعى بويىنشا ٸس قوزعالىپ, تەرگەۋ جٷرٸپ جاتىر. ٸستٸڭ تەرگەلۋٸن باس كٶلٸكتٸك پروكۋراتۋرا ٶز باقىلاۋىنا الدى.
