Almaty oblysynyń Shamalǵan stansasynda poiyz ben avtobýstyń soqtyǵysýynan aýyr jaǵdaida aýrýhanaǵa túsken úsh adamnyń beti beri qarady, dep habarlaidy "Ult aqparat".
«5 jasar balanyń jaǵdaiy aýyr. Degenmen, kúnnen-kúnge dinamikasy jaqsaryp keledi, sóilei alady, tamaq ishedi. 3 jastaǵy ekinshi qyz – komada. Degenmen, jasandy tynys alý apparatynan ajyratyldy. Qazir ózdiginen dem alady. №7 qalalyq klinikalyq aýrýhanada qos qyzdyń anasyna ota jasaldy. Jaǵdaiy ortasha, operatsiia sátti ótti, dinamikasy jaqsardy», - dep habarlady Almaty qalalyq Densaýlyq saqtaý basqarmasynan.
Eske salaiyq, 15 qyrkúiek kúni Shamalǵan stansasyndaǵy temirjol ótkelinde poiyz ben avtobýs soqtyǵysty. Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bólimine tústi. Olar – anasy men 5 jáne 3 jastaǵy balalar. 22 qyrkúiek kúni sábilerdiń biri es jiǵanyn jazǵan bolatynbyz.
Atalǵan fakti boiynsha QR QK-niń 345-baby 3-bóligi boiynsha is qozǵalyp, tergeý júrip jatyr. Istiń tergelýin Bas kóliktik prokýratýra baqylaýyna aldy.
