الماتى وبلىسىنىڭ شامالعان ستانساسىندا پويىز بەن اۆتوبۋستىڭ سوقتىعىسۋىنان اۋىر جاعدايدا اۋرۋحاناعا تٷسكەن ٷش ادامنىڭ بەتٸ بەرٸ قارادى, دەپ حابارلايدى "ۇلت اقپارات".
«5 جاسار بالانىڭ جاعدايى اۋىر. دەگەنمەن, كٷننەن-كٷنگە ديناميكاسى جاقسارىپ كەلەدٸ, سٶيلەي الادى, تاماق ٸشەدٸ. 3 جاستاعى ەكٸنشٸ قىز – كومادا. دەگەنمەن, جاساندى تىنىس الۋ اپپاراتىنان اجىراتىلدى. قازٸر ٶزدٸگٸنەن دەم الادى. №7 قالالىق كلينيكالىق اۋرۋحانادا قوس قىزدىڭ اناسىنا وتا جاسالدى. جاعدايى ورتاشا, وپەراتسييا سەتتٸ ٶتتٸ, ديناميكاسى جاقساردى», - دەپ حابارلادى الماتى قالالىق دەنساۋلىق ساقتاۋ باسقارماسىنان.
ەسكە سالايىق, 15 قىركٷيەك كٷنٸ شامالعان ستانساسىنداعى تەمٸرجول ٶتكەلٸندە پويىز بەن اۆتوبۋس سوقتىعىستى. وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸنە تٷستٸ. ولار – اناسى مەن 5 جەنە 3 جاستاعى بالالار. 22 قىركٷيەك كٷنٸ سەبيلەردٸڭ بٸرٸ ەس جيعانىن جازعان بولاتىنبىز.
اتالعان فاكتٸ بويىنشا قر قك-نٸڭ 345-بابى 3-بٶلٸگٸ بويىنشا ٸس قوزعالىپ, تەرگەۋ جٷرٸپ جاتىر. ٸستٸڭ تەرگەلۋٸن باس كٶلٸكتٸك پروكۋراتۋرا باقىلاۋىنا الدى.
