Foto: Videodan alynǵan skrin
Almaty oblysynda 11-synyp oqýshysy muǵalimge qol kótergen oqiǵa tirkeldi. Áleýmettik jelilerde mektep ishinde bolǵan janjaldyń beinejazbasy tarady, dep habarlaidy Ult.kz.
Almaty oblysy ákimdiginiń málimetinshe, oqiǵa 2026 jylǵy 16 qańtarda Shamalǵan aýylynyń Jańa qazaq orta mektebinde bolǵan. Saǵat 09:00 shamasynda muǵalim men 11-synyp oqýshysy arasynda kelispeýshilik týyndaǵan. Pedagog oqýshyǵa eskertý jasap, sabaqqa qatysýyn talap etken.
Alaida jasóspirim eskertýdi agressivti túrde qabyldap, muǵalimge qol jumsaǵan.
Qazirgi ýaqytta atalǵan derek boiynsha quqyq qorǵaý organdary sotqa deiingi tergeý jumystaryn júrgizip jatyr. Oqiǵanyń barlyq mán-jaiy anyqtalyp, quqyqtyq baǵa beriledi.
Sonymen qatar mektep ákimshiligi men bilim bólimi tarapynan profilaktikalyq jáne túsindirý jumystary qolǵa alynǵan.
Eske salaiyq, Májiliste bilim berý salasyna qatysty ózgeristerdi talqylaý barysynda depýtat Ashat Aimaǵambetov pedagogterdiń jaýapkershiligi tek oqý-tárbie protsesi aiasynda shekteletinin atap ótken bolatyn.
