Foto: Polisia.kz
Shahtinskide óz tanystaryn 1 million teńgege aldap ketken alaiaq qolǵa tústi, – dep habarlaidy Polisia.kz.
Shahtinsk qalalyq politsiia bólimi jedel-tergeý qyzmetkerleriniń qajyrly jumystarynyń arqasynda birneshe alaiaqtyq jasaǵan azamat anyqtalyp, onyń kináli ekenin dáleldeitin qujattar jinaqtaldy.
Máselen, qaladaǵy joǵarǵy oqý oryndarynyń biriniń 20 jastaǵy stýdenti aqparattyq júie arqyly alaiaqtyq qylmysyn jasaýdy oilastyrǵan. Ol óziniń tanysyn keziktirip, bankterdiń biri klient jinaqtaý maqsatynda telefondaryna bank qosymshasyn júktese, bank olarǵa syiaqy beredi degen. Sóitip, tanysy kúdiktige óziniń jeke qujattaryn berip, onymen qoimai sýretke túsýge kelisim bergen. Al alaiaq bolsa tanysynyń jeke bas málimetterin jáne sýret salý arqyly birneshe shaǵyn nesie berý uiymdarynan jalpy quny 124 myń teńge nesie rásimdegen. Keiin tanysy kúdiktenip qalmaý úshin banktiń syiaqysy dep 2 myń teńge aqsha aýdarǵan.
Dál osyndai áreketpen 20 jastaǵy kúdikti taǵy da bes tanysyn aldaǵan. Kúdiktiniń tanystaryna keltirgen jalpy shyǵyn kólemi 1 million teńgeni quraǵan. Qazirgi ýaqytta tergeý áreketteri júrgizilip jatyr.
