© Photo: Qaraǵandy oblysy ákimdiginiń baspasóz qyzmeti
Prezident Qasym-Jomart Toqaevtyń atyna Qaraǵandy oblysyndaǵy ken ornynda bolǵan apat saldarynan kóptegen adamnyń qaza tabýyna bailanysty shet memleketterdiń basshylarynan, sondai-aq halyqaralyq uiymdardyń jetekshilerinen kóńil aitý jedelhattary áli kelip jatyr, dep habarlaidy Aqordanyń baspasóz qyzmeti.
Qytai Halyq Respýblikasynyń Tóraǵasy Si Tszinpin qaiǵyly oqiǵaǵa bailanysty Prezident Qasym-Jomart Toqaevqa jáne Qazaqstan halqyna kóńil aitty.
«Qazaqstannyń Qaraǵandy oblysyndaǵy shahtada bolǵan apat saldarynan kóptegen adamnyń qaza tapqany týraly sýyt habardy tereń kúizelispen qabyldadym. Qytai Úkimetiniń jáne halqynyń, sondai-aq ózimniń atymnan qaitys bolǵan azamattardyń otbasylary men jaqyn týystaryna qaiǵyryp kóńil aitamyn», – dep jazylǵan jedelhatta.
Kóńil aitý jedelhattaryn Bolgariia Prezidenti Rýmen Radev, Armeniia Prezidenti Vaagn Hachatýrian, Bosniia jáne Gertsegovina Prezidiýmynyń Tóraǵasy Jelka Tsviianovich, AÓSShK Bas hatshysy Qairat Sarybai jáne basqalar joldady.
