Qaraǵandy oblysyndaǵy "ArselorMittal Temirtaý" shahtasynda bolǵan tótenshe jaǵdai saldarynan taǵy bir jumysshy qaza tapty, - dep habarlaidy "Ult aqparat".
"Saǵat 09:09-da besinshi jumysshynyń denesi tabyldy", - dedi TJM baspasóz hatshysy Rýslan Imanqulov.
Sondai-aq, shahtada zardap shekkenderdiń jaǵdaiy aityldy.
Qaraǵandy oblysynyń densaýlyq saqtaý basqarmasy málimetinshe, bastapqyda jaraqat alǵan kenshiler Shahtinsk ortalyq aýrýhanasyna jetkizilgen.
"Aldyn ala diagnoz - metannan ýlaný, zardap shekkenderdiń ekeýi H.J.Maqajanov atyndaǵy kópsalaly aýrýhananyń toksikologiia bólimine jatqyzyldy. Al ýlanýdan bólek, ártúrli aýyrlyqta jaraqat alǵan eki naýqas Shahtinsk qalasynyń aýrýhanasynda jatyr.
Ol jaqqa konsiliým ótkizý úshin Maqajanov atyndaǵy kópsalaly aýrýhananyń sanitarlyq aviatsiia mamandarynyń brigadasy – 2 neirohirýrg jáne 2 reanimatolog attandy", - delingen habarlamada.
Oqiǵa ornynda oblys ákimi Jeńis Qasymbek, qala basshysy, seriktestik basshylyǵy júrgeni belgili boldy. Jedel-qutqarý qyzmeti jumys istep jatyr.
Oqiǵanyń mán-jaiyn anyqtaý úshin komissiia quryldy.
Eske salaiyq, buǵan deiin Qaraǵandy oblysynyń Shahtinsk qalasynda "ArselorMittal Temirtaý" shahtalarynyń birinde gaz shyqqany habarlanǵan bolatyn.
