Premer-ministr Álihan Smaiylov Qaraǵandy oblysyndaǵy Lenin atyndaǵy shahtadaǵy apattyń sebepterin zertteitin Úkimettik komissiia qurylǵanyn málimdedi, - dep habarlaidy "Ult aqparat".
"3 qarashada "ArselorMittal Temirtaý" AQ KD "Lenin atyndaǵy" shahtasynda apat boldy. Sońǵy málimetterge sáikes, bes kenshi qaitys boldy.
Osyǵan bailanysty meniń ókimimmen QR Tótenshe jaǵdailar ministri Iýrii Ilin jetekshilik etetin Úkimettik komissiia quryldy. Onyń quramyna ýákiletti ministrlikterdiń, jergilikti atqarýshy organdardyń jáne kásipodaq uiymdarynyń ókilderi kirdi", - deidi Premer-ministr.
Smaiylov biyl jazda "ArselorMittal Temirtaý" AQ-ǵa barǵan kezinde kompaniia basshylyǵyna kenshiler úshin qaýipsiz eńbek jaǵdailaryn jasaý, óndiristi jańǵyrtýǵa investitsiialar bólý jóninde keshendi sharalar qabyldaý qajet ekenin aitqan.
"Úkimettik komissiiaǵa apat sebepterin obektivti tekserý, shuǵyl máselelerdi sheshý, sondai-aq qaza tapqandar men zardap shekkenderdiń otbasylaryna jan-jaqty kómek kórsetý boiynsha mindetter qoiyldy.
Qaza bolǵandardyń týystary men jaqyndaryna kóńil aitamyn", - dedi ol.
Eske salaiyq, búgin "ArselorMittal Temirtaý" kenishinde apat bolyp, 5 adam qaza tapqan edi.
