Memleket basshysynyń Ókimimen Shahrat Shákizatuly Nuryshev Qazaqstan Respýblikasy Syrtqy ister ministriniń birinshi orynbasary qyzmetine taǵaiyndaldy, dep habarlaidy Aqorda.
Sondai-aq, Memleket basshysynyń Jarlyǵymen Shahrat Shákizatuly Nuryshev Qazaqstan Respýblikasynyń Qytai Halyq Respýblikasyndaǵy Tótenshe jáne Ókiletti Elshisi qyzmetinen, Qazaqstan Respýblikasynyń Korei Halyq-Demokratiialyq Respýblikasyndaǵy Tótenshe jáne Ókiletti Elshisi qyzmetin qosa atqarýdan bosatyldy.
Shahrat Shákizatuly NURYShEV 1972 jyly 20 maýsymda Almaty qalasynda dúniege keldi.
Beijiń lingvistikalyq ýniversitetiniń qytai filologiiasy fakýltetin, Ál-Farabi atyndaǵy Qazaq ulttyq ýniversitetiniń shyǵystaný fakýltetin bitirgen. 1996 jyldan - QR SIM Aziia basqarmasynyń referenti.
1997 jyldan - QR SIM Úrimji qalasyndaǵy attashesi, Tólqujat-viza qyzmetiniń úshinshi hatshysy. 1999 jyldan QR-nyń Qytai Halyq Respýblikasyndaǵy elshiliginiń ekinshi, birinshi hatshysy. 2004 jyldan - QR SIM Aziia jáne Afrika departamentinde bólim bastyǵy, basqarma bastyǵy. 2005 jyldan - QR-nyń QHR-daǵy elshiliginde keńesshi, QR-nyń Shanhai yntymaqtastyq uiymy hatshylyǵy janyndaǵy QR turaqty ókili.
2007 jyldan - QR-nyń QHR-daǵy elshiliginiń keńesshi-elshisi. 2009 jyldan - QR Úkimetiniń Aýǵanstan Islam Respýblikasymen yntymaqtastyǵy máseleleri jónindegi arnaiy ókili. Diplomatiialyq sheni - II klasty keńesshi. 2008-2015 jyldary - QR-nyń Shanhai yntymaqtastyq uiymy máseleleri boiynsha ulttyq úilestirýshisi.
Qazirgi qyzmetinde 2015 jyldan beri Qazaqstan Respýblikasynyń Qytai Halyq Respýblikasyndaǵy Tótenshe jáne Ókiletti Elshisi boldy.
2015 jylǵy qazannan beri Qazaqstan Respýblikasynyń Korei Halyq-Demokratiialyq Respýblikasyndaǵy Tótenshe jáne Ókiletti Elshisi qyzmetin qosa atqardy.
