Tótenshe jaǵdailar ministrligindegiler Shahan aýylynda opyrylǵan kópqabatty úiden 10 saǵat boiy 600 tonna úiindilerdiń astynda jatqan er adamdy qutqaryp aldy. Er adamdy tabýǵa Nika esimdi it kómektesken. Bul týraly "Habar" telearnasynyń siýjetinde aitylady.
"Opyrylǵan kópqabatty úide tiri jatqan er adam jaily málimet boldy. Izdestirý jumystary júrgizildi. Sondai-aq, izdestirý jumystaryna kinologiia bólimindegiler de qatysty. Er adamdy alyp shyǵý qiynǵa soqty. Biraq qýanyshqa qarai, ony alyp shyǵa aldyq. Qazir ol aýrýhanada em alyp jatyr. Esin jidy", - dedi Qaraǵandy qalalyq TJD basshysynyń orynbasary Vadim Magamadov.
Osyǵan deiin Shahan aýylynda úidiń qulaýynan qaza tapqandardyń otbasyna million teńgeden bólinetini habarlanǵan bolatyn. "Otbasylaryna qarjylai kómek kórsetý jaiynda. Ákimdik qaza tapqan ár adam úshin million teńgeden jáne 500 myń teńge aýrýhanada jatqan zardap shekkenderge bóledi. Sonymen qatar ákimdik qaza bolǵandardy jerleý rásimin jáne eske alýdy óz moinyna alady", - degen edi oblystyq ákimdiktiń baspasóz qyzmetindegiler.
Eske sala keteiik, 1 qańtarda Shahtinsk qalasyndaǵy Shahan aýylynda keshki ýaqytta turǵyn úidiń bir bóligi opyrylyp, 9 adam qaza tapqan bolatyn. Olardyń úsheýi er adam, úsheýi áiel, taǵy úsheýi balalar eken. Oqiǵa ornynda qutqarý jumystary jalǵasyp jatyr. Al keiin apattyń aldyn ala sebebi atalǵan edi. Al keiin apattyń aldyn ala sebebi atalǵan edi.
