Ulttyq bank QR Qarjy naryǵyn retteý jáne damytý agenttigimen birlesip shaǵyn jáne orta kásipkerlik sýbektilerin jeńildikpen kreditteý baǵdarlamasyn ázirledi, dep habarlaidy "Ult aqparat".
Koronovirýs pandemiiasyna jáne onyń Qazaqstan ekonomikasyna teris yqpalyna bailanysty tótenshe jaǵdai nátijesinde zardap shekken shaǵyn jáne orta kásipkerlik sýbektilerin, dara kásipkerlerdi qoldaýǵa arnalǵan Qazaqstan Respýblikasynyń Prezidenti Q.K. Toqaevtyń tapsyrmasy boiynsha Ulttyq bank QR Qarjy naryǵyn retteý jáne damytý agenttigimen birlesip Shaǵyn jáne orta kásipkerlik sýbektilerin jeńildikpen kreditteý baǵdarlamasyn ázirledi.
«Atalǵan baǵdarlamany iske asyrý úshin ekinshi deńgeidegi bankterde negizdelgen salymdardy ornalastyrý arqyly 600 mlrd teńge bólindi. Biznesti qoldaý tetigi ekinshi deńgeidegi bankterdiń tótenshe jaǵdaidyń engizilýi nátijesinde zardap shekken shaǵyn jáne orta kásipkerlik sýbektilerine, dara kásipkerlerge 12 aiǵa deiingi merzimmen jyldyq 8%-dan aspaityn mólsherleme boiynsha ainalym qarajatyn tolyqtyrýǵa jeńildikpen kreditter berýi arqyly iske asyrylady. Ekinshi deńgeidegi bankterdiń qarajatty igerý merzimi 3 ai», delingen Ulttyq bank taratqan habarlamada.
Jeńildikpen kreditteý baǵdarlamasynyń operatory bolyp Ulttyq bank janyndaǵy «Qazaqstannyń ornyqtylyq qory» AQ aiqyndaldy, sondai-aq aktivter sapasyn táýelsiz baǵalaýdan (Asset Quality Reviews) ótken jáne portfelinde shaǵyn jáne orta kásipkerlik sýbektilerine berilgen qaryzdary bar 13 qatysýshy bank belgilendi.
«Baǵdarlamaǵa qatysýshy bankterdiń bólingen qarajatty memlekettik jáne memlekettik emes baǵaly qaǵazdardy satyp alýǵa, basqa bankterdegi depozitterge ornalastyrýǵa, shetel valiýtasyn satyp alýǵa paidalanýyna jáne ózge maqsatqa sai paidalanbaýyna tyiym salynady.
QR Qarjy naryǵyn retteý jáne damytý agenttigi «Qazaqstannyń ornyqtylyq qory» AQ-pen birlesip kásipkerlerge berilgen jeńildikti kreditterdiń ýaqtyly jáne nysanaly paidalanylýyna ai saiynǵy negizde monitoring júrgizetin bolady», delingen habarlamada.
Ulttyq banki bólingen qarajattyń sońǵy qaryz alýshyǵa jetkizilýi boiynsha barlyq qajetti sharalardy qabyldaityn bolady.
