Premer-ministr Asqar Mamin shaǵyn jáne orta biznesti damytý ekonomikanyń turaqtylyǵyn qamtamasyz etýdiń mańyzdy faktorlarynyń biri ekenin aitty, - dep habarlaidy «Ult aqparat».
Soǵan bailanysty biznestiń serpindi damýyna barynsha qolaily jaǵdai jasaý úshin úlken syndarly jumys júrgizilýde.
Sonymen qatar pandemiia óz túzetýlerin engizdi, shaǵyn jáne orta biznes shekteýlerden zardap shekti. Osyǵan bailanysty úkimet turaqty negizde "Atameken" palatasymen jáne óńirlik kásipkerler keńesterimen birlesip biznesti barynsha tolǵandyratyn máseleler boiynsha jedel qaraidy jáne tiisti sheshimder qabyldaidy.
"Júrgizilgen jumys nátijesinde 2021 jylǵa arnalǵan ekonomikalyq ósimdi qalpyna keltirý boiynsha keshendi jospar ózektendirildi, onda ShOB sýbektilerin qoldaýdyń 60-tan astam qosymsha sharalary qarastyrylǵan, olardyń qyzmetine shekteýler áser etedi", - dedi ol.
Birinshi kezekte, onyń aitýynsha, bul sharalar birqatar salyqtyq jeńildikter men salyqtyq ákimshilendirýdi jeńildetý, jeńildetilgen qarjylandyrýǵa qoljetimdilikti keńeitý, memlekettik satyp alýlarǵa qoljetimdilikti jeńildetý, sondai-aq kásipkerlik qyzmetti qaita retteý bóliginde bizneske júktemeni tómendetýge qatysty.
"Aǵymdaǵy jyly shaǵyn jáne orta biznestiń qarjylandyrýǵa qoljetimdiligin keńeitý aiasynda 47 myńǵa jýyq jobany qamti otyryp, 2,5 trln teńgeden astam jeńildetilgen kredit beriletin bolady. Kásipkerlikti qoldaý baǵdarlamalary boiynsha Biznestiń ótinimderin qaraý merzimderin 21-den 5 jumys kúnine deiin qysqartý boiynsha jumys júrgizildi. Sýbsidiialaý jáne nesielerdi kepildendirý aiasynda memlekettik qyzmetterdi tsifrlandyrý aǵymdaǵy jyly 97%-ǵa deiin ulǵaidy. 2021 jylǵy 1 sáýir men 1 shilde aralyǵynda ShOB sýbektileri úshin eńbekaqy tóleý qorynan barlyq salyqtardy tóleýdi keiinge qaldyrý engizildi. Bul bizneske shamamen 200 mlrd teńgeni saqtaýǵa múmkindik berdi", – dep atap ótti Úkimet basshysy.
ShOB sýbektileriniń salyqtyq jáne kedendik bereshegin májbúrlep óndirip alý 2021 jyldyń 1 shildesine deiin toqtatyldy, dep qosty ol.
Bul bizneske ainalym kapitaly úshin 279 mlrd teńgeni bosatýǵa kómektesedi.
"Sondai-aq, 2021 jyldyń 1 shildesine deiin ekinshi deńgeidegi bankterde nesieler boiynsha tólemderdi keiinge qaldyrý boiynsha sharalar qabyldandy. Keiinge qaldyrylǵan tólemder kólemi 750 mlrd teńgeni quraidy. Qazir bizdiń mindetimiz – kásipkerlerge óz biznesin damytýǵa kómektesý. Qabyldanyp jatqan sharalar aǵymdaǵy jyly ekonomika ósimi qurylymynda 0,8% – ǵa deiin qalyptastyrýǵa múmkindik beredi", - dep jalǵastyrdy Mamin.
Osyǵan bailanysty ol tapsyrma berdi.
"Birinshi.... Ulttyq ekonomika ministrligi memlekettik organdarmen birlesip, ekonomikalyq ósýdi qalpyna keltirý jónindegi ózektendirilgen keshendi jospardyń ýaqtyly oryndalýyn qamtamasyz etsin. Ekinshi. Biznesti salyqtyq yntalandyrý boiynsha zańnamalyq túzetýler paketin qabyldaýdy qamtamasyz etý jáne 2021 jylǵy 1 maýsymǵa deiin Parlamentte tiisti jumys júrgizý. Úshinshi. Memlekettik organdar, ákimdikter, "Damý" qory "Atameken" UKP – men birlesip, qysqa merzimde biznestiń barlyq qoldaý túrlerin alýǵa arnalǵan ótinimderin qaraýdy qamtamasyz etsin", - dep túiindedi premer-ministr.
Esterińizge sala keteiik, Premer-ministr Asqar Mamin shaǵyn jáne orta biznesti damytý ekonomikanyń turaqtylyǵyn qamtamasyz etýdiń mańyzdy faktorlarynyń biri ekenin aitty. Soǵan bailanysty biznestiń serpindi damýyna barynsha qolaily jaǵdai jasaý úshin úlken syndarly jumys júrgizilýde.
Sonymen qatar pandemiia óz túzetýlerin engizdi, shaǵyn jáne orta biznes shekteýlerden zardap shekti. Osyǵan bailanysty úkimet turaqty negizde "Atameken" palatasymen jáne óńirlik kásipkerler keńesterimen birlesip biznesti barynsha tolǵandyratyn máseleler boiynsha jedel qaraidy jáne tiisti sheshimder qabyldaidy.
