Seýlde Helloýindi toilaý kezinde qazaqstandyq qaza bolǵan, - dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
"Seýl qalasynyń jedel shtaby men politsiiasynyń málimetinshe, Itevon aýdanyndaǵy qaiǵyly oqiǵa saldarynan qaza tapqandar arasynda 1996 jyly týǵan Qazaqstan Respýblikasynyń azamaty bolǵan. Ol - Aqtóbe oblysynyń týmasy. Qazaqstan azamaty Koreia Respýblikasynda joǵary oqý oryndarynyń biriniń stýdenti bolǵan.
Qazaqstandyq diplomattar qaza tapqan adamnyń týystarymen bailanysta, qujattar resimdelip jatyr jáne máiitti Qazaqstanǵa jóneltýde barlyq qajet kómek kórsetip jatyr", - delingen Syrtqy ister ministrligi habarlamasynda.
Aita keteiik, Seýlde senbi tústen keiin 100 000-ǵa jýyq adam Helloýinniń alǵashqy demalysyn atap ótý úshin oiyn-saýyq aýdanynda jinalǵan. Toilaý kezinde qysym saldarynan 151 adam qaitys bolyp, 82 adam jaralanǵany habarlanǵan edi.
