Sýretti Qazaqstannyń Koreia Respýblikasyndaǵy Elshiligi usyndy
Seýl (Ońtústik Koreia) meriiasy ǵimaratynyń qasbeti eki eldiń diplomatiialyq qarym-qatynasynyń 30 jyldyǵyna orai Qazaqstan týynyń túsine boialdy, - dep habarlaidy Tengrinews.kz tilshisi.
"2022 jylǵy 28 qańtarda Qazaqstan Respýblikasy men Koreia Respýblikasy arasyndaǵy diplomatiialyq qatynastar ornaǵanyna 30 jyl tolýyna orai Seýl qalasy meriiasy ǵimaratynyń qasbeti Qazaqstan týynyń tústerine boialdy.
Osy ataýly kúndi merekeleý aiasynda Seýl qalasynyń ortalyq alańynda qazaqstandyq stýdentterdiń, diaspora ókilderiniń, sondai-aq, Qazaqstan elshiligi qyzmetkerleriniń qatysýymen fleshmob ótti", - dedi Qazaqstannyń Ońtústik Koreiadaǵy elshiligi ókili.
Fleshmobty Koreia Respýblikasy Syrtqy ister ministrliginiń, Seýl meriiasynyń ókilderi jáne Hangýk shet tilder ýniversitetiniń ońtústik koreialyq stýdentteri qoldady.
Sonymen qatar, Pýsan qalasyndaǵy Heýnje jaǵajaiy boiynda jergilikti bilik 80 quttyqtaý bannerin ornalastyrdy.
Koreia Respýblikasynyń Qazaqstandaǵy elshisi Ký Hong Sok quttyqtaý sózinde Ortalyq Aziia elderi arasynda Qazaqstan Koreiamen saýda jáne investitsiia kólemi boiynsha jetekshi el ekenin, al Qazaqstan úshin Koreia kólemi boiynsha tórtinshi saýda seriktesi sanalatynyn aitty.
"Koreia aldaǵy ýaqytta da Qazaqstannyń qiyndyqtarǵa tap bolyp, turaqtylyq pen beibitshilikke qol jetkizýi úshin kúsh-jiger jumsap, járdemdesedi. Sondai-aq, eki el arasyndaǵy strategiialyq seriktestikti odan ári keńeitýge kúsh salamyz", - dep ýáde berdi ol.
