QHDR jáne Koreia Respýblikasy bir-birine qarsy qurlyqta, teńizde jáne áýede qaqtyǵysýǵa sebep bolatyn jaýlastyqty qoiady. Bul týraly eki el basshylary qatysqan sammit qorytyndysy boiynsha birigip jazǵan deklaratsiiada aitylǵan, - dep habarlaidy RIA Novosti.
"Ońtústik pen Soltústik Korei túbegindegi ótkir áskeri qysymdy túsirýge jáne soǵys qaýpin tómendetýge birigip áreket etedi", - delingen qujatta.
Sonymen qatar, elder beibitshilik kelisimin ózgertýge jáne bul másele boiynsha AQSh, Qytaimen kelissózder ótkizýge qatysty ortaq til tapty.
Jaqyn ýaqytta eki el ókilderi barlyq sala boiynsha barlyq deńgetside kelissózder bastaidy. Sonymen qatar, elder Qyzyl Kres jelisi boiynsha kelissózder men Ońtústik pen Soltústikte bólinip qalǵan otbasylardy qosý týraly kelisimge keldi.
Mamyrda korei elderi áskeri máselelerdi retteý úshin generaldyq deńgeide kelissózder ótkizedi. Sonymen qatar, Ońtústik jáne Soltústik Koreia qarýlandyrýdy birtindep senim ornatý arqyly azaitpaq. Taraptar bir-birine shabýyl jasamaý jáne qarýly kúsh paidalanbaý týraly sheshimge keldi.
Osydan keiin eki el basshylary sýretke tústi jáne korei elderi arasyndaǵy sammit ótetin ǵimaratqa bettegen.
Kezdesý qorytyndysy boiynsha ótken baspasóz máslihatynda Mýn Chje In eki el arasynda endi soǵys bolmaitynyn jáne "beibitshiliktiń jańa dáýiri" bastalatynyn málimdedi. Ol taiaý ýaqytta Phenianǵa saparlap barý nieti baryn da aitty. "Renhap" agenttiginiń habarlaýynsha, bul sapar biyl kúzde bolýy múmkin.
Soltústik Koreia basshysy bolashaqta eki el birigedi dep úmittenetinin málimdedi.
Buǵan qosa eki el Soltústik Koreianyń Gezong provintsiiasynda "birikken bailanys keńsesin" ashýǵa kelisti. Ol keńse "eki el biligi arasyndaǵy bailanysty jaqsartyp, jaqyn dialog ornatýǵa septesedi" delingen.
Al AQSh prezidenti Koreia elderi basshylarynyń kezdesýin tarihi oqiǵa dep baǵalady.
"Zymyrandar ushyp, iadrolyq qarý synalǵan yzaly jyldan keiin Soltústik pen Ońtústik arasynda tarihi kezdesý ótip jatyr. Jaqsy dúnieler bolyp jatyr, endi tek ýaqyt kórsetedi", - dep jazypty Tramp Twitter jelisindegi mikroblogynda.
Jumada Kim Chen Yn demarkatsiialyq aýmaq arqyly Ońtústik Koreiaǵa aiaq basqan KHDR-diń alǵashqy basshysy boldy. Demilitarizatsiialyq aýmaqta ol Ońtústik Koreia basshysy Mýn Chje Inmen kezdesti.
Korei elderi arasyndaǵy sammitten keiin Kim Chen Yn men AQSh prezidenti Donald Tramp arasynda kezdesý uiymdastyrylýy múmkin.
