Akter Táýekel Músilim alǵash ret suhbat berip, otbasy jaily ashyq málimdedi, dep habarlaidy ult.kz.
Ol "Otets" podkastynda balalyq shaqtaǵy qiynshylyq pen ókpesin aǵynan jarylyp jariialady.
"Ákem siiaqty bolǵym kelmeidi. Anam da balalardy tym erkeletip jibergensińder deidi. Biraq qazir zaman basqa", - dedi akter.
Onyń sózinshe ár ata-ana bala tárbiesine ózderi aralasyp, jaýapkershilikti etaptan birge ótý kerek. Al, búginde ýaqyt basqa bolǵandyqtan, kózqarasty da ózgertý kerek.
Táýekel Músilim kim?
Táýekel Músilim - qazaqstandyq akter jáne model. Ol 1988 jylǵy 9 jeltoqsanda Almaty qalasynda dúniege kelgen. Bala kezinde Almatydaǵy №148 mektepte bilim alyp, keiin №140 mektep-gimnaziiasynda oqýyn jalǵastyrǵan.
Óner salasyndaǵy alǵashqy qadamyn modeldik biznesten bastaǵan. Keiin jarnamalyq rolikter men mýzykalyq beinebaiandarǵa túsip, kópshilikke tanyla bastady. Ýaqyt óte kele Táýekel Músilim akterlik salaǵa bet buryp, kino jáne telejobalarǵa qatysa bastady.
Onyń filmografiiasynda komediia, melodrama, drama jáne kriminal janryndaǵy týyndylar bar.
Akter 2014 jyldan beri ekrandyq jobalarǵa turaqty túrde qatysyp keledi. Ol kórermenge "Brat ili brak" filmi arqyly da jaqsy tanys.
Keiin osy filmniń jalǵasy - "Brat ili brak 2" kartinasynda da boi kórsetti.
Táýekel Músilim "V poiskah mamy 2: Novye prikliýcheniia" filminde Den esimdi keiipkerdi somdaǵan.
Sondai-aq ol "Krasnyi ýroven" telehikaiasyna túsken.
2021 jyly akter "Masha i Dýdarai" melodramasynyń akterlik quramynda boldy. 2022 jyly "Qyzymnyń qorǵaýshysy" jáne "Qazaqtar prishelderge qarsy" filmderine qatysty.
Onyń keiingi jumystarynyń qatarynda "Jar-Jar", "Millionǵa kelistik" jáne "Aiash 3" filmderi bar.
2024 jyly Táýekel Músilim "Úsh qaharman" jáne "Onda bireýden týyp al" jobalarynda kórindi. 2025 jyly ol "Biik sezim" komediiasynda óner kórsetti.
Jeke ómirinde akter Mahabbat esimdi arýmen otbasyn qurǵan. Táýekeldiń aitýynsha, ol bolashaq jarymen jarnama túsirilimi kezinde tanysqan.
Búginde Táýekel Músilim qazaqstandyq kino men media keńistiginde tanymal akterlerdiń biri retinde túrli shyǵarmashylyq jobalarǵa qatysyp júr.
