QR Prezidentiniń Jarlyǵymen Serikbai Trumov Mańǵystaý oblysynyń ákimi laýazymynan bosatyldy, dep habarlaidy "Ult aqparat" Aqordaǵa silteme jasap.
«Memleket basshysynyń Jarlyǵymen Serikbai Ótelgenuly Trumov Mańǵystaý oblysynyń ákimi laýazymynan bosatyldy», delingen habarlamada.
Eske sala ketsek, Mańǵystaý oblysynyń ákimi laýazymyna Nurlan Noǵaev taǵaiyndaldy.
Serikbai Ótelgenuly Trumov 1964 jyly 3 maýsymda Gýrev oblysy Fort-Shevchenko qalasynda týǵan. 1992 jyly injener-qurylysshy mamandyǵy boiynsha V.I.Lenin atyndaǵy Qazaq politehnikalyq institýtyn bitirgen. Eńbek joly: 1981-1990 jyldary «Mańǵyshlaqaýylqurylys-12» tresinde betonshy bolyp jumys istegen. 1990-1994 jyldary – «Mańǵyshlaqaýylqurylys-12» tresinde uiymdastyrý bóliminiń meńgerýshisi; Qazaqstan LKJO Fort-Shevchenko qalalyq komitetiniń birinshi jáne ekinshi hatshysy, oqý-óndiristik kombinatynyń oqytýshysy. 1994-1995 jyldary – Túpqaraǵan aýdandyq máslihatynyń bas mamany.1995-2004 jyldary – «Túpqaraǵan» JShS jetekshi injeneri, bólim bastyǵy, direktory. 2004-2006 jyldary – Mańǵystaý oblysy Túpqaraǵan aýdanynyń ákimi. 2006-2008 jyldary – Mańǵystaý oblysy ákiminiń orynbasary. 2008-2012 jyldary – Mańǵystaý oblysy Túpqaraǵan aýdanynyń ákimi. 2012-2015 jyldary – Mańǵystaý oblysy Jańaózen qalasynyń ákimi. 2015-2017 jyldary – Aqtaý qalasynyń ákimi. 2017 jyly qarasha aiynda 6-sailanǵan Mańǵystaý oblystyq máslihatynyń hatshysy bolyp sailandy. 6-sailanǵan Mańǵystaý oblystyq máslihatynyń № 6 sailaý okrýginiń depýtaty. 2019 jyldyń maýsym aiynan bastap Mańǵystaý oblysynyń ákimi bolyp qyzmet etti.
«Eren eńbegi úshin», «QR Parlamentine 10 jyl» jáne «Qazaqstan Respýblikasynyń táýelsizdigine 20 jyl» medaldarymen jáne 2016 jyly «Qurmet» ordenimen marapattalǵan.
