Qazaqstan musylmandary YIII quryltaiynda jańadan sailanǵan Bas múfti Serikbai qajy Orazuly óziniń mindetteri týraly aitty, dep habarlaidy QazAqparat tilshisi.
Bas múfti óziniń aldyna qoiylǵan maqsat-mindetter týraly tilge tiek etti.
«Men úshin bul tosyn sheshim. Ózimdi kómekshi, orynbasar retinde jaqsy sezinemin. Biraq tańdaý osyndai bolǵandyqtan, bul úlken amanatty barlyq áriptesterimmen abyroimen atqaramyn dep oilaimyn. Aldaǵy 5 jylda aldymyzǵa qoiylǵan barsha bastamalardy odan ári oryndap, damytý jolynda eńbek etemin. Qurandy býkvalizm tanymymen túsinýge tosqaýyl qoiyp, quran túsindirmelerin paiymdy túsindirý jolynda qoǵam men dindarlar arasynda bailanys arttyrýǵa jumys jasaityn bolamyz. Úlken qyzmetti bar kúsh jigerimmen, áriptesterimniń kómegimen, qoǵamdaǵy durys jan-jaqty bolǵan immamdar ortasyn qalyptastyra otyryp, bizdiń halqymyzda ata-baba qalyptasqan dástúrli dini tanym mektebin jańǵyrtyp, alǵa qoiǵan maqsatty birge atqaramyz. Qazaqstan Musylmandary tuǵyrnamasynda da jolymyzdy aiqyndap alǵanbyz. Jat piǵyldy ortaǵa jol bermeimiz. Oǵan qarsy tura alatyn imýnitet Qazaqstan musylmandary islamtaný institýtynyń róli kúshti, bilim tájiribeleri jeterlik dep oilaimyn», - dedi Bas múfti.
Aita ketý kerek, búgin Almatyda Qazaqstan musylmandarynyń YIII quryltaiy ótti. Jiyn barysynda quryltaiǵa qatysýshy 300-den astam delegat Serikbai qajy Orazulynyń kandidatýrasyn biraýyzdan qoldady. Jańa Bas múfti 4 jyl, iaǵni 2018-2022 jyldar aralyǵynda qyzmet atqaratyn bolady. Sondai-aq Bas múfti orynbasarlary laýazymyna Naýryzbai qajy Taǵanuly, Alaý Ədilbaev, Baýyrjan Esmahanov sailandy.
Buǵan deiin Bas múfti qyzmetin atqaryp kelgen Erjan Maiamerov óz erkimen qyzmetinen ketti.
.jpg)