Básekelestikti qorǵaý jáne damytý agenttiginiń tóraǵasy Serik Jumanǵarin tiisti málimetti usynbaǵany úshin Air Astana kompaniiasyna aiyppul salynǵanyn aitty, dep habarlaidy QazAqparat.
Eske sala keteiik, biyl naýryz aiynyń sońynda QR Prezidenti Qasym-Jomart Toqaev Básekelestikti qorǵaý jáne damytý agenttiginiń tóraǵasy Serik Jumanǵarindi qabyldady.
Osy oraida «Bogatyr Kómir» jaýapkershiligi shekteýli seriktestigine, «Eir Astana» aktsionerlik qoǵamyna, «Skat» aktsionerlik qoǵamyna qatysty, sondai-aq, dárilik zattar naryǵyndaǵy monopoliiaǵa qarsy tergeýler júrgizilip jatqany aityldy.
«Air Astana málimetterdiń aqparattar bazasyna, kompaniianyń qarjylyq eseptiligine qatysty derekterdi berýden bas tartty. Osynyń barlyǵyn joqqa shyǵardy. Biz barlyq sotta jeńip shyqtyq, sondai-aq tek aqparat usynbaǵany úshin 20 mln teńge aiyppul salyp, sot oryndaýshylaryna tapsyrdyq», - dedi S. Jumanǵarin «QazAqparat» HAA» AQ tilshilerimen kezdesý barysynda
Osy oraida ol agenttik áýe kompaniiasyna qatysty monopoliialyq joǵary baǵa boiynsha tekserýdi áli de aiaqtamaǵanyn jetkizdi. Bul turǵyda bilet qunynyń ósýine qatysty fakti tekserildi.
«Tekserý 2019-2020 jyldary júrgizildi. Ol kezde agenttik qurylmaǵan edi. Qazirgi kezde kompaniiaǵa qatysty shara qabyldaýdy pysyqtap jatyrmyz. Qorytyndy aqparatty alǵannan keiin tiisti sheshim jasalady», - dedi agenttik basshysy.
Munymen qosa S. Jumanǵarin SCAT áýe kompaniiasy barlyq aqparat usynǵanyn, ol boiynsha daiyn sheshim bar ekenin aitty.
«SCAT –ta kelisim komissiiasyna quqyǵy bar. Tekserý týraly qorytyndy berilgennen keiin, olarda bizdiń sheshimge qarsylyq tanýǵa qajetti ýaqyt bar. Degenmen olarda da monopoliialyq joǵary baǵa baiqalyp otyr. Qos kompaniiaǵa birdei tásildi paidalanymyz, iaǵni jazalaý nemese qandai da bir ýaǵdalastyq bolýy yqtimal. Sebebi qazirgi kezde syrtqy naryqtar jabyq, ishki naryqtar qysqaryp qaldy. Bizdiń kez kelgen jazamyz tutynýshylarǵa, jolaýshylarǵa áser etpei qoimaidy», - dedi agenttik tóraǵasy.
