بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين تيٸستٸ مەلٸمەتتٸ ۇسىنباعانى ٷشٸن Air Astana كومپانيياسىنا ايىپپۇل سالىنعانىن ايتتى, دەپ حابارلايدى قازاقپارات.
ەسكە سالا كەتەيٸك, بيىل ناۋرىز ايىنىڭ سوڭىندا قر پرەزيدەنتٸ قاسىم-جومارت توقاەۆ بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعاريندٸ قابىلدادى.
وسى ورايدا «بوگاتىر كٶمٸر» جاۋاپكەرشٸلٸگٸ شەكتەۋلٸ سەرٸكتەستٸگٸنە, «ەير استانا» اكتسيونەرلٸك قوعامىنا, «سكات» اكتسيونەرلٸك قوعامىنا قاتىستى, سونداي-اق, دەرٸلٸك زاتتار نارىعىنداعى مونوپوليياعا قارسى تەرگەۋلەر جٷرگٸزٸلٸپ جاتقانى ايتىلدى.
«Air Astana مەلٸمەتتەردٸڭ اقپاراتتار بازاسىنا, كومپانييانىڭ قارجىلىق ەسەپتٸلٸگٸنە قاتىستى دەرەكتەردٸ بەرۋدەن باس تارتتى. وسىنىڭ بارلىعىن جوققا شىعاردى. بٸز بارلىق سوتتا جەڭٸپ شىقتىق, سونداي-اق تەك اقپارات ۇسىنباعانى ٷشٸن 20 ملن تەڭگە ايىپپۇل سالىپ, سوت ورىنداۋشىلارىنا تاپسىردىق», - دەدٸ س. جۇمانعارين «قازاقپارات» حاا» اق تٸلشٸلەرٸمەن كەزدەسۋ بارىسىندا
وسى ورايدا ول اگەنتتٸك ەۋە كومپانيياسىنا قاتىستى مونوپولييالىق جوعارى باعا بويىنشا تەكسەرۋدٸ ەلٸ دە اياقتاماعانىن جەتكٸزدٸ. بۇل تۇرعىدا بيلەت قۇنىنىڭ ٶسۋٸنە قاتىستى فاكتٸ تەكسەرٸلدٸ.
«تەكسەرۋ 2019-2020 جىلدارى جٷرگٸزٸلدٸ. ول كەزدە اگەنتتٸك قۇرىلماعان ەدٸ. قازٸرگٸ كەزدە كومپانيياعا قاتىستى شارا قابىلداۋدى پىسىقتاپ جاتىرمىز. قورىتىندى اقپاراتتى العاننان كەيٸن تيٸستٸ شەشٸم جاسالادى», - دەدٸ اگەنتتٸك باسشىسى.
مۇنىمەن قوسا س. جۇمانعارين SCAT ەۋە كومپانيياسى بارلىق اقپارات ۇسىنعانىن, ول بويىنشا دايىن شەشٸم بار ەكەنٸن ايتتى.
«SCAT –تا كەلٸسٸم كوميسسيياسىنا قۇقىعى بار. تەكسەرۋ تۋرالى قورىتىندى بەرٸلگەننەن كەيٸن, ولاردا بٸزدٸڭ شەشٸمگە قارسىلىق تانۋعا قاجەتتٸ ۋاقىت بار. دەگەنمەن ولاردا دا مونوپولييالىق جوعارى باعا بايقالىپ وتىر. قوس كومپانيياعا بٸردەي تەسٸلدٸ پايدالانىمىز, ياعني جازالاۋ نەمەسە قانداي دا بٸر ۋاعدالاستىق بولۋى ىقتيمال. سەبەبٸ قازٸرگٸ كەزدە سىرتقى نارىقتار جابىق, ٸشكٸ نارىقتار قىسقارىپ قالدى. بٸزدٸڭ كەز كەلگەن جازامىز تۇتىنۋشىلارعا, جولاۋشىلارعا ەسەر ەتپەي قويمايدى», - دەدٸ اگەنتتٸك تٶراعاسى.
