Parlament Senatynyń jalpy otyrysynda QR Ortalyq sailaý komissiiasynyń múshesi qyzmetine Serik Sydyqov bekitildi, - dep habarlaidy "Ult aqparat".
«Maǵan berilgen quqyqty paidalana otyryp, Ortalyq sailaý komissiiasy múshesi qyzmetine Serik Sydyqovtyń kandidatýrasyn usynamyn. Serik Slamjanulyn jaqsy bilesizder, ol bilikti zańger. Senat apparatynda 25 jyldan astam ýaqyt jaýapty qyzmetterdi abyroimen atqardy. Parlamenttegi mol tájiribesi Ortalyq sailaý komissiiasy múshesi qyzmetinde paidaly bolady dep senemin», - dedi Parlament Senatynyń tóraǵasy Dariǵa Nazarbaeva.
Serik Slamjanuly Sydyqov 1962 jyly týǵan, joǵary zań bilimi bar.
Óziniń eńbek jolyn 1985 jyly Almaty qalasynda «Kazgidrorybproekt» institýty kadr bóliminiń aǵa inspektory retinde bastaǵan.
1986 jyldan bastap Qazaq KSR Memlekettik eńbek komiteti Is basqarmasynyń aǵa ekonomisi, azamattyq qorǵanys jáne arnaiy jumys jónindegi inspektory, kadr sektorynyń birinshi sanattaǵy mamany, birinshi sanattaǵy ekonomisi (zańger).
1991 jyldan bastap QR Eńbek ministrligi Eńbekti quqyqtyq retteý bóliminiń bas zańger-konsýltanty, Memlekettik jumyspen qamtý inspektsiiasynyń bastyǵy – Jumyspen qamtý bas basqarmasy bastyǵynyń orynbasary, Eńbekti quqyqtyq retteý bóliminiń bas mamany.
1994 jyldan bastap «Turan-Agro» firmasy zań bóliminiń meńgerýshisi bolyp jumys istedi.
1995 jyldan bastap Qazaqstan Respýblikasy Prezidentiniń Joǵarǵy Keńestegi ókildiginiń aǵa sarapshysy.
1996 jyldan bastap QR Parlamenti Senaty apparaty Saraptama bóliminiń konsýltanty, sektor meńgerýshisi, bólim meńgerýshisiniń orynbasary, Ákimshilik bóliminiń meńgerýshisi.
2007 jyldan bastap QR Parlamenti Senaty apparaty basshysynyń orynbasary, birinshi orynbasary.
2016 jyldan bastap QR Parlamenti Senaty apparatynyń basshysy.
2020 jyldan bastap QR Parlamenti Senaty tóraǵasynyń keńesshisi.
