Memleket basshysynyń ókimimen Serik Júsipuly Súleimenov Qazaqstan Respýblikasy Prezidentiniń «Baiqońyr» keshenindegi arnaýly ókili qyzmetine taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Serik Súleimenov 1966 jyly Almaty qalasynda dúniege kelgen. 1990 jyly S. Kirov atyndaǵy Qazaq memlekettik ýniversitetin «Matematik» mamandyǵy boiynsha úzdik bitirdi, 1997 jyly Ál-Farabi atyndaǵy Qazaq memlekettik ýniversitetin «Quqyqtaný» mamandyǵy boiynsha syrttai bitirdi.
Eńbek jolyn 1992 jyly «Kazkommertsbank» AQ-da bastady, zań qyzmetiniń bastyǵy bolyp jumys istedi. 1997-2003 jyldary «Memlekettik jinaqtaýshy zeinetaqy qory» AQ Bas direktory, «Temirbank»AQ Basqarma tóraǵasynyń orynbasary bolyp jumys istedi. 2003 jyldan 2013 jylǵa deiin energetika salasynda jumys istedi, «Qazaqstandyq Kommýnaldyq júieler» AQ prezidenti, «Mańǵystaý elektrtoraptyq bólý kompaniiasy» AQ Basqarma tóraǵasy, «Qyzylorda elektrtoraptyq bólý kompaniiasy»AQ Basqarma tóraǵasy laýazymynda jumys istedi.
Memlekettik organdarda jumys tájiribesi bar, Qazaqstan Respýblikasy Eńbek jáne halyqty áleýmettik qorǵaý ministriniń orynbasary, Qazaqstan Respýblikasy Prezidenti Ákimshiliginde sarapshy, Qazaqstan Respýblikasy Premer-Ministri Keńsesiniń bas inspektory laýazymynda jumys istegen.
2015 jyldan bastap Qyzylorda oblysy ákiminiń orynbasary qyzmetin atqardy. «Qurmet» ordenimen jáne Qazaqstan Respýblikasynyń memlekettik organdarynyń medaldarymen marapattalǵan.
2019 jyldyń 1 sáýirinen bastap Qazaqstan Respýblikasy Energetika ministrligi Atomdyq jáne energetikalyq baqylaý jáne qadaǵalaý komitetiniń tóraǵasy qyzmetin atqardy.
